Son zamanlarda sosial şəbəkələrdə gündəm mərkəzində olan Elon Musk bir çox məşhur şirkət lideri tərəfindən dəstəklənir. Belə ki, SpaceX, Tesla, The Boring Company, Neuralink, Starlink və OpenAI şirkətlərinin təsisçisi, Meta və Netflix kimi iri şirkətlərin liderləri tərəfindən dəstəklənib. Qeyd edək ki, qısa müddət əvvəl Musk Twitter sosial şəbəkəsini aldıqdan sonra aqressiv idarəçiliyinə görə tənqid olunurdu. Belə ki, o yeni sahibi olduğu şirkətin onlara işçisini qovmuşdu. Həmçinin Twitter işçiləri Elon-un radikal və aqressiv idarəçiliyindən şikayətlənirdilər.
Hal-hazırda PayPal kimi tanınan X.com-un qurucusu və Twitter-in yeni sahibi olan Elon Musk məşhur şirkət liderləri tərəfindən dəstəklənir. Hazırda Dünyanın ən varlı adamı statusuna sahib olan Musk, Netflix şirkətinin həmtəsisçisi və baş direktoru Reed Hastings tərəfindən “planetin ən cəsur, ən yaradıcı insanı” adlandırılıb. Hastings-in sözlərinə görə, Musk bir çox sahələrdə qeyri-adi işlər görüb və o özünəməxsus üsluba malikdir. Həmçinin Netflix-in baş icracı direktoru, Elon-un bütün səylərinin dünyaya kömək etmək məqsədi daşıdığından əmin olduğunu bildirib.
Dünyanın ən varlı adamını dəstəkləyən məşhur liderlərdən biri də Meta şirkətinin CEO-su Mark Zukerberq-dir. Mark, New York Times DealBook konfransı zamanı insanların onu tənqid etməsinin düzgün olmadığını və Elon-un etdiyi yeniliklərin nəticəsinin maraqlı olacağını bildirib. Qeyd edək ki, Elonu-dəstəkləyənlərdən biri də Apple baş icraçı direktoru Tim Cook-dur. Ötən günlərdə aralarında anlaşmazlıq yaşanan texnologiya liderləri, Apple şirkətinin baş ofisində görüşüblər.
Əlavə olaraq bildirək ki, gecə təşkil olunan tədbirdə Elon Musk Neuralink layihəsi barədə əhəmiyyətli açıqlamalar verib. Belə ki, SpaceX, Tesla, The Boring Company şirkətlərindən sonra Twitter-in sahibi olan Elon Musk, Neuralink layihəsi çərçivəsində hazırlanmış beyin çiplərinin sınanacağını bildirib. Qeyd edək ki, tədbirə beyin çipinin yerləşdirildiyi meymunun bacarıqlarının videoçarxı ilə başlanılıb. Bundan sonra isə Neuralink komandası yeni texnologiyanın canlıya necə yerləşdirildiyinin video görüntüsünü paylaşıb. Nəhayə tədbirin sonunda Musk Neuralink tərəfindən hazırlanan beyin çipinin 6 ay ərzində insanlar üzərində sınaqdan keçiriləcəyini elan edib.
