Huawei şirkətinin rəhbəri rəsmi olaraq şirkətin böhran rejiminə keçməsi ilə bağlı tapşırıq verib. Belə ki, şirkətin 77 yaşlı baş icraçı direktoru Ren Zhengfei öz işçilərinə diqqətlərini satışlara yox, gəlirə yönləndirməsini bildirib. Şirkət rəhbərinin sözlərinə görə, Huawei müəyyən çətinliklər ilə qarşılaşacaq. Buna səbəb dünyada baş verən bəzi problemlər göstərilir.
Ren Zhenfei-in sızdırılan daxili yazışmasında qeyd olunub ki, şirkəti yaxın 3 il ərzində ayaqda qalması üçün gəlirlər artmalıdır.
Ren Zhenfei
Biz daha hekayələr haqqında yox, reallıqlar haqqında danışmalıyıq
Huawei şirkəti nə vəziyyətdədir?
Çinin smartfon istehsalçılarından biri olan Huawei, hal-hazırda göründüyü kimi heçdə yaxşə vəziyyətdə deyil. Bir neçə il öncə Huawei şirkəti ABŞ dövləti tərəfindən qoyulmuş sanksiyalara görə ciddi zərbələr alıb. Nəticədə şirkət heç bir ABŞ istehsalı olan texnologiya ilə işləyə bilmədi.
Bu hadisələrdən sonra, smartfon və telekomunikasiya sahələrində Huawei rəqibləri ilə rəqabətdə geri qalmağa başladı. Digər tərəfdən şirkət diqqətini internet cihazlar və internet bağlantısı olan avtomobillər bazarına yönləndirib.
Bununla belə, bu biznes sahələri şirkətin itirdiyi əsas biznes sahələrini kompensasiya edə bilməyib. Huawei gəlirlərinin azaldığını və işçi heyətində ixtisarlar olduğunu qeyd edilir. Həqiqətən də şirkət memorandumunda qeyd edildiyi kimi, şirkət böhran rejiminə keçdikdə eksperimental biznes istiqamətlərindən imtina edə bilər.
Qeyd edək ki, Huawei şirkəti 2020-ci ilin əvvəlinə qədər dünyanın ən böyük smartfon istehsalçılarından idi. Şirkətin çıxardığı hər bir yeni modeli, texniki göstəricilərinə görə istifadəçilər tərəfindən çox bəyənilirdi. Lakin ABŞ tərəfindən qoyulan sanksiyalardan sonra və Android ƏS istifadəsində ciddi məhdudlaşdırmalara görə vəziyyət dəyişdi. Nəticədə Huawei öz törəmə Honor şirkətini də “satmalı” oldu.
Amma şirkət smartfon istehsalından tamamilə imtina edilməyib. Məsələn, gələn ay Huawei Mate xəttinin yeni modelinin təqdimatına hazırlıq davam edir. Lakin Mate 50 seriyasının təqdimatından əvvəl şirkətdə işlərin əhəmiyyətli dərəcədə problemli olduğu görülür. Baş vermiş bu hal təqdim ediləcək bəzi modellərin ixtisarına və ya istehsal edilən smartfonların sayının azalması ilə nəticələnə bilər. Eyni zamanda baş vermiş bu səbəbdən Mate 50 seriyasının qlobal bazara qətiyyən çıxmayacağı ehtimalını gücləndirir. Təxmin edilir ki, məhdud sayda smartfon yalnız Çin bazarını əhatə edəcək.
