Apple yaxın bir neçə il ərzində iPad seriyasına OLED ekranlar gətirəcək. Burada Samsung və LG iki əsas ekran təchizatçıları kimi tanınırlar. Hər iki şirkət Apple şirkətinin 2024-cü il iPad-ləri üçün xüsusi olaraq hazırlanmış yeni OLED panellər üzərində işləyirlər. OLED iPad-lər təkmilləşdirilmiş təsvir keyfiyyətinə və yüngül çəkiyə malik olacaqlar. OLED iPad modellərinin də istifadəyə verilməsi ilə, OLED ekran paneli sənayesinin növbəti illərdə böyüməsi gözlənilir.
Apple OLED iPad-lərin son prototiplərini istehsal edir!
Apple, əsas ekran tərəfdaşları ilə birlikdə OLED iPad-lərin son prototiplərini istehsal edib. Apple-nin OLED iPad-ləri ilk dəfə praktikada tətbiq ediləcəyi üçün Apple bununla bağlı bir neçə prototip yaradıb və panelləri bir-bir sınaq prosesinindən keçirir. iPad-lərin ekran paneli iPhone-dan üç dəfə böyükdür ona görə əlavə mühəndislik və xərc tələb edir. Hal-hazırda istifadə olunan IPS LCD ekranların istehsal texnologiyası planşetləri nazik etməyə imkan vermir, üstəlik çəkini xeyli artırır. OLED texnologiyası isə bu problemlərin üstəsindən gəlmək üçün əla həll yolu olacaq.
Qeyd edək ki, iPad modelləri planşet bazarının 40%-ni təşkil edir və bazar payına görə 1-ci yeri tutur. Hər il alıcılar tərəfindən 60 milyon iPad tədarük edilir.
Apple şirkətinin OLED iPad-ləri daha yüngül və nazik olacaq!
Apple öz diqqətini növbəti iPad-i daha yüngül və rəqibsiz görüntü keyfiyyətinə çevirməyə yönəldib. OLED texnologiyalı ekrana sahib cihazın çəkisinin mümkün qədər yüngül olmasını təmin etdiyi bildirilir. Bununla belə, Apple şirkətinin OLED iPad-ləri zərif panelin davamlılığını artırmaq üçün xüsusi örtüklər hazırlayacaq. OLED panellər isə başda qeyd etdiyimiz kimi Samsung və LG Display tərəfindən tədarük edilməlidir.
İlk OLED iPad-in təqdimatı ilə kiçik və orta ölçülü OLED panellərə olan investisiyaların artacağı və bazarın genişlənəcəyi gözlənilir. Həmçinin Samsung və LG Display şirkətlərinin özlərinin də OLED sənayesinə daha çox kapital qoyacağı gözlənilir. Lakin OLED ekran panelinə sahib iPad modellərinin qiyməti necə dəyişəcək sual altındadır. Ümid edirik OLED ekrana görə Apple qiyməti çox da artırmayacaq.
Apple şirkətinin OLED iPad-ləri haqqında nə düşünürsünüz? Fikirlərinizi aşağıdakı şərh bölməsində bizimlə bölüşə bilərsiniz.
