Sosial platformalar günü-gündən yenilənir və istifadəçilərin bəyənəcəyi tərzdə dəyişir. Məsələn, keçmiş sosial platformalara nəzər salsaq görürük ki, MySpace uzun illər boyu zirvədəki platforma olaraq qaldı, lakin Facebook ilə əvəz olundu. İndi isə Facebook Meta qrupu altında tamamilə yeni texnologiyalarla təmin edilir. Instagram da bura daxil olaraq Meta qrupuna qoşuldu. Artıq həmçinin Tik-Tok da önəmli sosial platformalardan birinə çevrilib. Sosial platformaların həyatımızda bu qədər önəmli olduğu dövrdə etməli olduğumuz şey bu bazardakı yenilikləri təqib etməkdir.
Bu xəbərimizdə sizinlə mütləq yaxından təqib etməli olduğunuz sosial platformalardan bir neçəsini bölüşürük!
Yubo
Yalnız Z nəslini hədəfləyən Yubo 2015-ci ildə Parisdən olan 3 mühəndislik tələbəsi tərəfindən qurulub. Uşaqlar üçün daha dostca və güvənli, həmçinin “bəyənmələr” və “izləyicilər” olmadan əsasən canlı yayımlara fokuslanan sosial platformalar arasında yer alır. Sürətlə böyüyən Yubo-nun Birləşmiş Krallıqdan 4.7 milyon istifadəçisi var.
Triller
Triller App adlanan əyləncə platforması dünyanın hər yerindən olan məzmun yaradıcılarına sosial mediada önə çıxmağa kömək edən platformadır. TikTok kimi Triller platforması da istifadəçilərə 2020-ci ildən bəri müxtəlif janrlarda qısa videoları başqaları ilə tez və asanlıqla paylaşmağa imkan verir.
Polywork
Polywork, istehsalçılar, tərtibatçılar, dizaynerlər üçün nəzərdə tutulmuş sosial platformalar arasında öz yerini tutur. Bu platforma şəxsi və peşəkar işlərindən, nailiyyətlərindən istifadə edərək şəbəkə qurmaq istəyən hər kəsə öz qapılarını açır. Polywork digər sosial şəbəkələrdən tamamilə fərqli şəkildə hazırlanıb. Belə ki, burada başqaları ilə rəqabət aparmaq məcburiyyətində olduğunuzu hiss etdirəcək bəyənmə düymələri, izləyicilərin sayı və ya digər statistikalar yoxdur. İnsanlar yazılarınızı və fəaliyyətlərinizi bəyənə bilir, ancaq izləyicilərin və sevimlilərin sayını yalnız siz görə bilirsiniz.
Substack
Substack 2017-ci ildən oxuculara elektron poçt qutusunda rəqəmsal xəbər bülleteni almaq üçün fərdi yer təklif edir. Üzvlər həmçinin sevimli müəlliflərinin işinin birbaşa maliyyə tərəfdarı olmaq imkanına malikdirlər. Bu o deməkdir ki, istifadəçilər təkcə öz e-poçt yazılarının dizaynını deyil, həm də sevimli müəlliflərinin əsərlərindən də istifadə edə bilirlər. 2020-ci ilin sentyabr ayında 250 min abunəçisi olan Substack, 2021-ci ildə 1 milyon ödənişli abunəçi əldə edə bilmişdi.
Bəs siz yuxarıdakı platformalardan hansılarını istifadə edirsiniz?
