Artıq ilin sonlarına yaxınlaşdıqca aparılan tədqiqatların sayı çoxalır. Belə ki, aparıcı araşdırma və tədqiqat şirkətlərindən biri olan Omdia 2023-cü ilin ən çox satılan smartfonları adlı siyahı hazırlayıb. Əslində siyahı ilin əvvəlində yayımlanan hesabtlara oxşardır. Yəni Apple brendinin ən yeni iPhone 14 Pro seriyası siyahıya liderlik edir. Ümumiyyətlə bu il bir çox xüsusiyyətlərə görə smartfonlar barədə araşdırma aparılıb. Nəticələr isə demək olar ki, eyni olub Apple lider olub.
Ötən günlərdə bu ilin ən çox satılan OLED ekranlı smartfonları ilə bağlı araşdırma aparılmışdı. Siyahıda lider mövqe isə iPhone 14 Pro Max və Pro modellərinə məxsus idi. Maraqlısı budur ki, 2023-cü ilin ən çox satılan smartfonları siyahısında da iPhone 14 Pro Max modeli 26.5 milyon göstərici ilə birinci yerdədir. Hətta onun ardınca iPhone 14 Pro modeli 21 milyon göstərici ilə gəlir. Qeyd edək ki, bu il bir çox şirkət Samsung, Xiaomi, Huawei və Apple liderliyi ələ keçirmək uğrunda mübarizə aparırdı. Yekunda isə Apple bütün rəqiblərini geridə qoyub. Hətta Apple bu il iPhone 14 Pro, iPhone 14 Pro Max, iPhone 14 və iPhone 13 modellərindən ümumilikdə 79.5 milyon satıb.
Siyahının davamında isə 12.4 milyon say ilə Samsung Galaxy A14 modeli gəlir. Bir çox flaqman smartfon modelindən o cümlədən S23 Ultra modelində daha çox satılan bu smartfon qiymət-performans xüsusiyyətinə görə smartfon həvəskarları tərəfindən bəyənilmişdi. Hətta bu modelin 5G versiyası da demək olar 9 milyon satılıb. Siyahının diqqət çəkən cihazlarından biri də iPhone 11 oldu. Təqdim edilməsindən illər keçməsinə baxmayaraq bu smartfon hələ də dəbdən düşməyib. Hətta o qədər bəyənilib ki, 7.4 milyon satılıb.
