Çinli texnologiya nəhəngləri artıq ağıllı saat tərəfində də yeniliklər edir. Belə ki, bu dəfə qıvırımlı ekran Oppo brendi tərəfindən Watch 4 Pro modeli ilə ağıllı saata gətirildi. Uzunmüddətdir ki, qıvrımlı ekranlar smartfon bazarını zəbt edib. Hətta qıvrımlı ekrana malik televizorlar hələ də diqqət cəlb edir. Bu vəziyyətdən istifadə edən Çinli Oppo brendi qıvrımlı ekran texnologiyasını ağıllı saatlara tətbiq etdi. Qeyd edək ki, çinli texnologiya nəhəngi yeni Find N3 Flip qatlanan bilən smartfon modeli ilə yeni qıvrımlı ağıllı saatını təqdim edib.
Bu gün bazarda bir çox ağıllı saat modeli mövcuddur. Belə ki, dairəvi dizayndan düzbucaqlı hətta oval dizayna qədər bütün ağıllı saat modelləri artıq təqdim edilib. Oppo brendi isə ağıllı saat bazarında inqilabi yenilik edib. Beləliklə qıvrımlı ekranlara sahib olan Oppo Watch 4 Pro modelləri təqdim edilib. Ağıllı saat ilk baxışda kvadrat dizaynda olsa da, bir az da yaxınlaşdıqda digər modellərdən fərqləndiyini görürürük. Sələfindən fərqli olaraq paslanmayan polad korpusa malik olan ağıllı saat 1.91 düymlük qıvrımlı ekrana sahibdir. Belə ki, AMOLED ekran LTPO texnologiyasını dəstəkləyir. 378×496 təsvir ölçülü ekranın piksel sıxlığı isə 326 ppi-dır.
Yeni ağıllı saat öz gücünü Snapdragon W5 və BES 2700 çipsetlərindən alır. Qualcomm çipseti daha mürəkkəb tapşırıqları yerinə yetirəcəyi halda digər çipset daha primitiv tapşırıqların öhdəsindən gələcək. 2-32GB yaddaş ilə təklif olunan ağıllı saat ürək döyüntüsü izləmə, qan oksigeni ölçmək, yuxu izləmə və digər vacib sağlamlıq funksiyalarına sahibdir. Batareya tərəfində isə ağıllı saat 570 mAs batareya həcminə malikdir. Başqa sözlə desək 10 dəqiqəlik şarjla 24 saat, tam şarj ilə isə 14 günə qədər istifadə imkanı təklif edən bu saat 100-dən çox idman rejiminə də sahibdir. Qiymət tərəfində isə ağıllı saat 315 dollara təklif olunur.
