Artıq YouTube platformasında video izləməkdən əlavə olaraq, oyun oynamaq da mümkün olacaq. Belə ki, bu barədə Wall Street Journal mənbəsi xəbər verib. Milyonlarla izləyicisi olan şirkət Playables adlı yeni funksiyasını istifadəyə verəcək. Bununla isə məşhur YouTube platformasında istifadəçilər artıq video izləməkdən əlavə oyun oynaya biləcəklər. Ümumiyyətlə YouTube şirkəti ilk oyun təcrübəsini yaşamağa hazırlaşır. Hətta yeni Playables funksiyası onlayn oyun xidmətləri təklif edəcək. Hələlik isə funksiya sınaq mərhələsindədir.
Qeyd edək ki, YouTube platformasının yeni oyun funksiyası olan Playables haqqında məlumat Google əməkdaşlarına göndərilən e-poçt vasitəsi ilə sızdırılıb. Şirkət mühəndislərdən yeni funksiyanın sınaqdan keçirməyi xahiş edib. Bununla da YouTube platformasında onlayn oyun oynamaq təcrübəsi reallaşacaq. Hələlik isə yeni funksiya sadəcə Stack Bounce adlanan atari oyununu dəstəkləyir. Görünən odur ki, platformada sadəcə vaxt keçirməlik köhnə tərzli oyunları sınamaq mümkün olacaq.
Lakin hələ bunun barəsində fikir bildirmək tezdir. Çünki, yeni Playables funksiyasının necə işləyəcəyi hələlik məlum deyil. İnsayderlər isə platformada yalnız kiçik həcmli oyunların təklif olunacağını iddia edir. Qeyd edək ki, mühəndislər yeni funksiyanı həm tətbiq həm də saytdan sınaqdan keçirib. Ümumiyyətlə ötən günlərdə şirkətin baş icraçı direktoru etiraf etmişdi ki, reklam xərcləri azalıb. Yeni funksiya ilə bəzi yeni təqdim olunmuş oyunların ilkin yəni demo versiyalarını bulud sisteminə əsaslanaraq platformada sınamaq mümkün ola bilər. Yəni artıq reklamlar oyunlar formasında ola bilər.
