Elektrikli avtomobil bazarının liderlərindən hesab olunan Tesla yeniliklər etməyə davam edir. Belə ki, amerikalı avtomobil nəhəngi olan Tesla şirkətinin elektromobilləri naqilsiz enerji toplama xüsusiyyətinə sahib olacaq. Smartfon sənayesində bizə məlum olan bu texnologiya artıq elektrikli avtomobillər üçün də tətbiq ediləcək. Ümumiyyətlə elektrikli avtomobillədə şarj olma müddəti günümüzün ən aktual problemlərindən biridir. Bir çox şirkət bu problemi həll etmək üçün elektrikli avtomobillərinin batareyalarının həcmini və sürətli şarj xüsusiyyətini təkmilləşdirirlər. Tesla isə rəqiblərindən bir addım önə atılaraq naqilsiz şarj xüsusiyyətini elektromobillərinə tətbiq etməyi planlayır.
Hələlik amerikalı avtomobil nəhəngi bu sahə üzrə heç bir irəliləyiş qət etməyib. Lakin Tesla naqilsiz enerji toplama texnologiyası üzrə ixtisaslaşmış Wiferion şirkətini almaq üçün danışıqlara başlayıb. Qeyd edək ki, bu şirkət 2016-ci ildə yaradılmasına baxmayaraq artıq 5 ildir ki, elektrikli avtomobillər və robotlar üçün naqilsiz enerji toplama texnologiyası istehsal edir. Hələlik Tesla konkret bir layihə üzərində çalışmasa da, bu şirkətin amerikalı brendə planlarını reallaşdırmağa kömək etməsi qaçınılmazdır.
Qeyd edək ki, hələ mart ayında Tesla brendi tədbirlərdə naqilsiz enerji toplama texnologiyasına olan marağında açıq-aşkar bəhs edirdi. İndi isə bu planlarını reallaşdırmaq üçün danışıqlara başlayıb. Təbii ki, iki texnologiya nəhəngi birləşərsə bu planın həyata keçirilməsi qaçınılmaz olacaq. Yeni enerji toplama texnologiyası həm naqil dərdindən, həm də yer dərdindən istifadəçiləri xilas edə bilər. İstifadəçilər yalnız bir enerji panelindən istifadə edərək öz elektromobillərini qarajlarında və ya digər ərazilərdə şarj edə biləcəklər. Hələlik isə bu texnologiya barədə ətraflı məlumat yoxdur.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
