Ötən aylarda Elon Musk Twitter tətbiqində ödənişli təsdiqləmə nişanı xüsusiyyətini elan etmişdi. Elan Musk yeni qərarı elan etdikdən sonra böyük müzakirələr başlasa da o fikrini dəyişmədi və bu gün həmin qərar böyük problemlərə səbəb olur. Ümumiyyətlə bir çox insan şirkətin yeni qərarının böyük səhv olduğunu iddia edir. Niyə Twitter şirkətinin yeni qərarı böyük səhvdir? Qeyd edək ki, ötən günlərdə bu səhv qərar ucbatından ABŞ-da böyük dezinformasiya yayılıb.
Ötən günlərdə böyük problemlərə səbəb olan məlumatın mənbəsi mənhz Twitter tətbiqində məşhur Bloomberg xəbər mediasını təqlid edən səhifə olmuşdur. Yalan məlumatın geniş kütlə tərəfindən doğru olaraq qəbul edilməsinin əsas səbəbi isə Twitter tətbiqindəki ödənişli təsdiqləmə nişanı olmuşdur. Belə ki, məlumatda qeyd edilmişdi ki, Pentaqonda böyük partlayış olub. Hətta bu xəbərə süni intellekt ilə yaradılmış şəkil əlavə edilmişdi. Bu isə insanların məlumata inanmasını qaçınılmaz edib. Qeyd edək ki, bu xəbər Rusiya başda olmaqla bir çox məşhur xəbər kanallarında da paylaşılıb. Lakin sonrada məlum olub ki, bu sadəcə Twitter tətbiqinin yeni xüsusiyyətinin nəticəsidir. Eyni zamanda xəbərdən sonra əlaqəli birjalarda 500 milyard dollarlıq dalğalanmalar müşahidə olunub.
Onu da qeyd edək ki, Twitter aylıq 55 dollar verərək ödənişli təsdiqləmə nişanı almaq istəməyən 1 milyondan çox təsdiqlənmiş hesabın nişanının silib. Bu isə böyük müzakirələrə səbəb olmuşdu. Ümumiyyətlə Elon Musk Twitter tətbiqindən gəlir əldə etmək niyyətindədir və bu qərarını dəyişmək istəmir. Lakin artıq bir çox texnologiya nəhəngi Twitter tətbiqinə rəqib olmağa hazırlaşır. Hətta ötən günlərdə Meta şirkətinin hazırladığı yeni tətbiqin interfeys görüntüləri ortaya çıxmışdı. Bu isə o deməkdir ki, meta artıq Twitter tətbiqini də ötə bilər. Çünki twitter istifadəçiləri artıq son qərarlardan sonra yeni yarana biləcək istənilən twitter bənzəri tətbiqə keçid etməyə hazırdır.
