Son illərin məşhur tətbiqi olan TikTok tətbiqində artıq sadəcə video izləmək ilə pul qazanmaq mümkün olacaq. Belə ki, Ubiquitous adlı agentlik tətbiqdə 100 saat video izləyən istifadəçilərə 10 dollar ödəyəcəyini bildirib. Sosial media istifadəçiləri arasında özünəməxsus kütləyə sahib olan tətbiqdə agentlik sadəcə video izləmək ilə pul təklif edəcəyini bildirib. İnfluencer marketinq şirkəti yeni tendensiyalar haqqında öyrənməti asanlaşdırmaq üçün gündə 100 saat video izləyənlərə müəyyən vəsait ödəniş edəcək.
Ümumiyyətlə Ubiquitous adlı agentlik TikTok tətbiqində yeni tendensiyaları aşkar etmək üçün istifadəçilərin video izləməsi müqabilində pul təklif edir. Yəni burada əsas məqsəd məhz tətbiqdəki yeni axınlardan, tendensiyalardan xəbərdar olmaqdır. Maraqlısı budur ki, istifadəçilər gündə 10 saat tətbiqdə video izləməklə günlük 1000 dollar vəsait əldə edə bilərlər. Ubiquitous adlı agentlik bu müsabiqədə iştirak üçün müəyyən şərtlər irəli sürüb. Belə ki, iştirakçılar şirkətin YouTube kanalına abunə olmalıdır və 50-100 sözdə ibarət özləri haqqda qısa məlumat verməlidir. Bundan əlavə müsabiqəyə müraciət üçün Twitterdə qeyd olunan şərtləri qarşılayaraq agentliyi təq etməlidirlər.
Şirkətin şərtlərinə əsasən demək olar ki, onlar trendləri izləyə bilən, yeni tendensiyalardan xəbərdar olan kreativ istifadəçilər axtarırlar. Müsabiqədə iştirak etmək üçün mayın 31-dək müddət verilib. Hal-hazırda agentliyin təşkil etdiyi müsabiqədə sadəcə TikTok tətbiqində video izləyərək pul qazanmaq istəyən minlərlə insan var. Qeyd edək ki, ötən il şirkət 3 gün ərzində gündə 12 saat video izləyən istifadəçilərə hər saat üçün 50 dollar təklif etmişdi.
