Apple şirkətinin CEO-su Tim Cook bu yaxınlarda şirkətin rüblük maliyyə dövriyyəsi haqqında çıxış etmişdi. Həmin çıxışdan sonra ortaya çıxan iPhone modellərinin satış ədədlərindəki rekordla bağlı paylaşımımızı saytımızdan oxuya bilərsiniz. Şirkət rəhbəri çıxışında böyük alış-veriş edə biləcəklərini bildirib. Cook-un bu açıqlaması isə Apple şirkətinin Netflix platformasını almaqda maraqlı olub-olmadığı ilə bağlı uzun müddətdir yayılan şayiələri yenidən gündəmə gətirib.
Dünyanın ən böyük şirkətləri arasında yer alan Apple, cihazlarla yanaşı müxtəlif mövzularda da investisiyaları ilə diqqət çəkir. İndi isə ilin ikinci rübü üçün maliyyə hesabatlarının dərci yeni iddiaları ortaya çıxarıb.
Qazanc hesabatı ilə bağlı investorlarla danışan Tim Cook yaxın vaxtlarda yeni bir şirkət satın alınmasının mümkünlüyünü istisna etmədiyini bildirib. Bu bəyanat insanları xeyli həyəcanlandırıb. “Apple böyük bir satın alma planı qururmu?” sualını yenidən ortaya atıb.
Baş icraçı direktor hər il daha böyüyən xidmətlər və onlayn servislər bazarı ilə bağlı suallarla üzləşib. İş adamından həmçinin şirkətin xidmətlərini daha da genişləndirmək üçün xarici məhsullar almaq istəyib-istəmədiyi soruşulub. Apple şirkətinin rəhbəri isə bu ehtimalın mümkün olduğunu bildirməklə yanaşı, strateji plan olmadan belə bir gedişin biraz çətin olacağını da açıq şəkildə qeyd edib. Cook Apple şirkətinin strategiyaları haqqında ətraflı cavab verməsə də şirkətin bazardakı alına biləcək potensial şirkətləri izlədiyini açıqlayıb. O, həmçinin özlərindən daha kiçik şirkətləri satın aldıqlarını və Apple şirkətinə yeni enerji verəcək insanları işə götürməyi hədəflədiklərini söyləyib.
“Biz həmişə axtarırıq, özümüzə sual veririk ki, bu strategiyadırmı? Biz heç vaxt almaq üçün almırıq və yalnız gəliri artırmaq üçün almırıq. İndiyə qədər geniş miqyasda müqayisələr aparmışıq. Kiçik biznes və “insanların” satınalmaları yatırımlar etmişik. Ona görə mən də gələcək imkanları nəzərdən qaçırmıram, biz həmişə bazarı izləyirik.“
Bu, Cook tərəfindən Apple-ın digər şirkətləri alması ilə bağlı danışılan ilk nitq deyil. Aprelin əvvəlində Apple CEO-su şirkətin hər zaman istedad və yeni imkanlar axtarışında olduğunu bildirmişdi. Rəsmi ifadələrdən əlavə, bir çox analitikin fikrincə, Apple Netflix və Peloton kimi şirkətləri almağı planlaşdırır. Sizin bu haqqda düşüncələriniz bizimlə paylaşmağı unutmayın!
