Texnologiya şikrətləri hal-hazırda çətin bir dövrdən keçirlər. Buna baxmayaraq, Apple şirkəti öz fərqliliyini ortaya qoyub və rekord satış ədədləri əldə etməyi bacarıb. Belə ki, Apple şirkəti Amazondan sonra gözləntilərin xeyli üstündə yüksək gəlir əldə edərək nəticələri ən yüksək səviyyəyə çıxarıb. Belə ki, Apple ikinci rüb üçün satış ədədlərinə görə 10 illik rekordunu təzələyib.
Apple şirkəti rekord satış edərək, nə qədər iPhone satıb?
İlin ikinci rüb hesabatlarına görə, Apple şirkəti 83 milyard dollar gəlir əldə edib. Bu dövrdə satışa çıxarılan hər bir iPhone modelləri, şirkətin rekord satışlar etməsində böyük rol oynayıb. Apple təkcə 47.5 milyon ədəd iPhone modeli tədarük edib ki, bu göstəricisinə görə bazarın 16.3%-lik hissəsini ələ alıb. Şirkətin səhmləri təkcə bir rübdə 1.2 dollar dəyər qazanıb. iPhone satışları 1.5% artaraq Apple şirkətinə 40,6 milyard dollar gəlir qazandırıb. Lakin şirkət digər sektorlarda gəlirləri xeyli azaldıb. iPad gəlirləri 7.22 milyard dollara qədər azalıb. MacBook satışları 7.38 milyard dollara düşüb, aksesuarlar bölməsi isə 8.08 milyard dollara qədər geriləyib. Ancaq bu nəticələr Apple şirkətinin İPhone modelləri hesabına gəlirlərini artırmasına mane ola bilməyib. iPhone 12 seriyası ilə müqayisədə iPhone 13 seriyası alıcılar tərəfindən daha çox rəğbət görüb. iPhone 14 ilə bu rəqəmlərin daha da artacağı ehtimal edilir.
Texnologiya nəhənginin servisləri də 19,6 milyard dollar gəlirlə rekord qırıb. Lakin yenidən başlayan Covid məhdudiyyətləri səbəbi ilə tədarükdə ləngimələrin yaşanması şirkətin gəlirlərini yaxın gələckdə 4-8 milyard dollar azalda bilər.
Apple şirkətinin rekord satışlar etməsi haqqında siz nə düşünürsüz? Fikirlərinizi aşağıdan rəylər bölməsində bizimlə bölüşə bilərsiniz.
