Evans Data Corporation Data-nın tədqiqatına görə dünyada 26.9 milyon proqramçı var. Bu rəqəmin 2023-cü ildə 27.7, 2024-cü ildə 28.7, 2030-cu ildə isə 45 milyona çatacağı deyilir. Bu qədər tələbatlı sahənin ən peşəkarları ilə tanış olmağa başlayaq. Əvvəlcədən qeyd edək ki, siyahıda Bill Gates, Mark Zuckerber kimi iş adamlarının adları yoxdur. Çünki onlar yaxşı biznesmendirlər. O zaman gəlin, ən bilinən proqramçılar üçün hazırladığımız siyahıya baxaq.
Dennis Ritchie (1941-2011)
Siyahımıza C proqramlaşdırma dili və Unix əməliyyat sisteminin yaradıcısı Dennis Ritchie ilə başladıq. Proqramçılar içində bir xeyli tanınan Dennis 1983-cü ildə ACM-dən Turing mükafatına, 1990-cı ildə IEEE-dən Hamming medalına, 1999-cu ildə Prezident Klintondan Milli Texnologiya Medalına layiq görülmüşdü. Ritchie Lucent Technologies System Software Research Departamentinin rəhbəri idi.
Bjarne Stroustrup
C++ proqramlaşdırma dilinin yaradıcısı Bjarne Stroustrup, Texas A&M Universitetində Kompüter Elmləri üzrə Mühəndislik Kollecinin sədri və Kolumbiya Universitetində professordur. Proqramçılar içində C++ dilini yaratdığına görə bir xeyli rəğbət toplaya bilib.
James Gosling
Gosling Java dilinin atası olaraq tanınan böyük proqramçılar içində sadalanmağa layiq biridir. Bundan başqa Goslinq Amerika Birləşmiş Ştatları Milli Mühəndislik Akademiyasının Xarici Assosiativ üzvüdür.
Linus Torvalds
Linus Torvalds Linux nüvəsinin baş memarı, Git revizyona nəzarət sistemininin yaradıcısıdır. Finlandiya Texnologiya Akademiyası tərəfindən 2012-ci il Minilliyin Texnologiya Mükafatıına layiq görülmüşdü. Linus hələ də ən bilinən proqramçılar siyahısında yerləşir və digərlərinə nəzərən daha gəncdir.
Anders Hejlsberg
Bu şəxs C# proqramlaşdırma dilinin yaradıcısıdır və Microsoft-da C# dilinin aparıcı memarı olaraq fəaliyyət göstərir. Bundan əlavə TypeScript-də əsas tərtibatçıdır. C# dili səbəbilə ən bilinən proqramçılar içində hesab etmək mümkündür.
Tim Berners-Lee
Siyahımıza ümümdünya internetin ixtiraçısı Tim Berners-Lee ilə davam edirik. İnternet vasitəsilə HTTP müştərisi ilə server arasında ilk uğurlu əlaqəni həyata keçirən bu şəxs Ümumdünya İnternet Konsorsiumunun direktorudur.
Brian Kernighan
AWK və AMPL proqramlaşdırma dillərinin həmmüəllifi olan Brian Kernighan C proqramlaşdırma dili üzrə ilk kitabın da həmmüəlliflidir.
Ken Thompson
Ken Thompson B proqramlaşdırma dilinin yaradıcısıdır. Bundan əlavə Plan 9 əməliyyat sistemlərinin proqramçı və təkmilləşdiricisidir. Ken, Go proqramlaşdırma dilini icad etdiyi Google-da işləyir.
Guido van Rossum
Python proqramlaşdırma dilinin müəllifi olan Guido van Rossum Python-un inkişaf prosesinə nəzarət etməyə davam edir və lazım olduqda qərarlar verir. Van Rossum Dropbox-da işləyir. Proqramçılar üçün hazırladığımız bu siyahıda Python yaradıcısı olmazsa olmazdır.
Donald Knuth
“Kompüter proqramlaşdırma sənəti” əsərinin müəllifi olan Donald Knuth Alqoritmlərin təhlilinin “atası” olaraq tanınır. Donald Kompüter Müasir şriftlər ailəsinin yaradıcısıdır. Ən bilinən proqramçılar siyahımızda yer alacaq qədər önəmli birisidir.
