Dünyanın ən populyar sosial media tətbiqlərindən biri olmağa davam edən TikTok “Whee” adlı yeni tətbiqini təqdim edib. Belə ki, App Store və Play Store tətbiq mağazalarında yer alan yeni tətbiq ilə bağlı TikTok artıq paylaşım edib. Şirkət bildirib ki, “Whee həyatın kortəbii anlarında yaxın dostlarınızla əlaqə saxlamağınıza kömək etmək üçün hazırlanmış yeni sosial proqramdır. Həyatınızdan yalnız dostlarınızın görə biləcəyi fotoşəkilləri çəkib paylaşmaqla əsl şəxsiyyətinizi üzə çıxarın. Whee yaxın dostlar üçün həyatlarından anları bölüşmək üçün ən yaxşı platformadır.”
Sadə interfeysə sahib olan tətbiqdə bəyənmə və şərh sistemi də var. Şəxsi mesaj dəstəyi də olan Whee iOS ilə yanaşı Android üçün də mövcuddur. Qeyd edək ki, TikTok dünən rəqəmsal avatar sistemi ilə sıçrayış edib. Məhsuldar süni intellekt tərəfindən dəstəklənən bu real rəqəmsal avatarlar fərdlərin və ya şirkətlərin xüsusilə reklam məzmununda istifadə etmələri üçün nəzərdə tutulub. TikTok bu yeni prosesə iki fərqli avatar növü ilə başlayır. Burada biz real aktyorlara əsaslanan avatarları və mövcud yaradıcılara və ya artıq brendlərlə iş görən insanlara əsaslanan fərdi avatarları istifadə edə bilərik.
Bu rəqəmsal avatarlar, əl ilə yüklənən mətni seçilən dildə oxuyur və bu sayədə reklam məzmunları çox daha sürətli şəkildə tətbiq edilə bilir. Şirkət öz açıqlamasında yeni məhsuldar süni intellekt xüsusiyyətinin məzmun yaradıcılarının daha çox insana çatmasına kömək edəcəyini bildirir. Müəyyən müddətdən sonra daha da təkmilləşəcək bu rəqəmsal avatar sistemi hazırda yalnız müəyyən ölkələrdə və müəyyən dillərdə mövcuddur. Sizcə TikTok öz uğurunu Whee ilə davam etdirə biləcək?
