2024-cü ilin iyun ayında Kaspersky Laboratoriyası internetin qaranlıq tərəfində ortaya çıxarılmış 193 milyon parolu təhlil edib. Təhlil nəticəsində məlum olub ki, bu parolların demək olar ki, yarısı fırıldaqçılar tərəfindən bir dəqiqədən az müddətdə oğurlana bilər. Ümumiyyətlə, parolların əksəriyyəti ağıllı alqoritmlərdən istifadə etməklə asanlıqla sındırıla bilər.
![193 milyon parolu Kaspersky](https://tedroid.com/media/2024/06/kaspersky-lab-193-milyon-parolu-tehlil.jpg)
Belə ki, darknet kimi illeqal səhifələrdə paylaşılan sındırılmış parollardan 14%-nin yəni 27 milyonunun hakerlər tərəfindən aşkar edilməsi bir saatdan az müddət tələb edir. Kaspersky bildirir ki, bu parollardan sadəcə 8%-ni yəni 15 milyonunu sındırmaq bir gün tələb edir. Maraqlısı budur ki, ağıllı alqoritmlər simvol dəyişikliklərini də nəzərə ala bilər və populyar kombinasyonları aşkar edə bilər. Kombinasiyaların yalnız %23-ü (44 milyon) kifayət qədər güclüdür: onları sındırmaq bir ildən çox vaxt ala bilər.
Təhlil edilən parolların çoxu daha dəqiq desək, 57%-i mövcud bir lüğət sözünü ehtiva edir və bu da onların hakerlərə qarşı müqavimətini əhəmiyyətli dərəcədə azaldır. İnsanların ən çox istifadə etdiyi adlardan ibarət parollar məhz ahmed, nguyen, kumar, kevin, daniel kimidir. Habelə, parollardan ən çox istifadə edilən populyar sözlərə forever, love, google, hacker, gamer, password, admin, team kimi sözləri misal göstərmək olar. 193 milyon parolu təhlil təhlil edən Kaspersky Lab şirkətindən olan Yuila Novikova bildirib ki, “Hücum edənlərin parolları seçmək üçün dərin məlumatlara və ya bahalı avadanlıqlara ehtiyacı yoxdur. Hesablama gücü bulud xidmətlərindən kirayə götürülə bilər və böyük büdcələr tələb etmir. Fırıldaqçılar adətən hesab məlumatlarını oğurlamaq üçün xüsusi proqramlar istifadə edirlər. Komandamızın araşdırmasına görə, son beş ildə dünya üzrə 443.000 veb-sayt giriş məlumatlarının oğurlanması üçün istifadə edilib”.