Bu günlərdə tez-tez səs-küy yaradan Tesla Cybertruck elektrikli pikap modeli üçün yuvarlaq dizaynlı konsept hazırlanıb. Bildiyimiz kimi, Tesla şirkətinin Cybertruck modeli təqdim edilərkən kəskin dizayn xətlərinə görə tənqid olunmuşdu. O cümlədən təqdimat tədbiri zamanı maraqlı hadisə meydana gəlmişdi. Elon qırılmaz şüşəni bir həmlədə qırmışdı. Bu maraqlı hadisədən sonra isə Elon Musk və yeni Cybertuck gündəm mövzusuna çevrilmişdi.
Bu günlərdə isə Tesla şirkətinin baş direktoru Elon Musk şirkətin son rüblük iclasında Tesla Cybertruck haqqında danışıb. Həmçinin o, avtomobilin kütləvi istehsalının 2024-cü ildən tez baş verməyəcəyini bir daha qeyd edib. Qeyd edək ki, yeni elektrikli avtomobil son aylarda sadəcə çox kiçik miqyasda istehsal olunub. Hətta noyabrın 30-da çatdırılma prosesi tədricən də olsa başlayacaq. Qeyd edək ki, cəmi 10 Cybertruck ilk mərhələdə sahiblərinə qovuşacaq.
İndi isə Tesla Cybertruck üçün kompüter mühitində yuvarlaq dizayn təsəvvür edilib. Çox güman ki, Tesla Cybertruck modelini ənənəvi şəkildə yuvarlaq dizaynla təqdim etsəydi, heç də gündəm olmayacaqdı. Lakin indi Cybertruck özünəməxsus dizaynı ilə bir çox insanın xəyalına çevrilib. Hətta artıq insanlar bu elektrikli pikap modelini əldə etmək üçün can atır. Məhz bu modelə olan maraq gələn il elektromobil kütləvi istehsal edilərək tam satışa çıxdıqda da ortaya çıxacaq.
