Hazıda elektrikli avtomobilləri ilə məşhur olan Tesla brendi, insanabənzər Optimus robotlarının qiymətini açıqlayıb. Daha əvvəl, Tesla brendinin fabriklərində bu insanabənzər Optimus robotlarından istifadə etməsi gündəm olmuşdu. Belə ki, bu robotlar tam avtonom şəkildə çalışaraq insanlardan belə daha səmərəli hala gəlmişdi. Habelə, Optimus robotları insan nəzarəti altında və laboratoriya şəraitində müxtəlif tapşırıqları yerinə yetirməyi bacarmışdı.
İndi isə Tesla bütün diqqətləri öz üzərinə çəkən insanabənzər Optimus robotlarının qiymətini açıqlayıb. İnvestorların görüşü zamanı şirkət rəhbərləri Optimus Gen 2 robotunun istehsal dəyərinin 10 min dollar olacağını açıqlayıb. Tesla bildirib ki, yeni robotun təxmini qiyməti 10-20 min dollar aralığında dəyişəcək. Təkmilləşdirilmiş robotun məqsədi əmək bazarında inqilab etmək və Teslanın bazar dəyərini potensial olaraq əhəmiyyətli dərəcədə artırmaqdır.
Həmçinin, Teslanın Optimus-u sərfəli şəkildə istehsal etməyi hədəflədiyi və təxmini istehsal dəyərinin təxminən 10.000 dollar olduğu bildirilir. Şirkət xərcləri daha da azaltmaq üçün kütləvi istehsala keçməyi planlaşdırır. Robotlar ilkin olaraq icarəyə veriləcək, daha geniş satışların 2028-2030-cu illər arasında başlayacağı gözlənilir. Optimus robotlarının daha əvvəl Tesla fabriklərində sınaqdan keçirilməsi də onların nə dərəcədə səmərəli olduğunu hər kəsə sübut edib. Bəs sizcə bu robotlara olan tələbat Tesla-nın gözləntilərini qarşılayacaq?
