Tesla şirkəti növbəti 3 ay ərzində maaş alan işçilərin 10%-nı ixtisar edəcək, amma eyni zamanda saatla çalışan işçilərinin sayını artıracaq. Nəticədə ümumi işçi sayı 3-3,5% azalacaq. Bu haqda ətraflı məlumatı şirkətin baş direktoru İlon Mask, iyunun 21-də Qətərdə Bloomberg-in dəstəyi ilə təşkil olunan iqtisadi forumda çıxışı zamanı verib.
İşçilərin ixtisar etmə plan haqqında
Bu ayın əvvəlində Reuters nəşri İlon Maska-a aid olan məktubun bir kopyasını əldə edib. Yazıya əsasən məlum olmuşdu ki, şirkətin iqtisadi vəziyyətlə bağlı gözləntiləri elə də yaxşı deyil. Bu səbəbdən İlon Musk yeni işçi götürməməyə və işçilərin 10%-nı ixtisar etməyə hazırlaşmağa göstəriş vermək niyyətindədir. Qeyd edək ki, 2021-ci ilin sonunda Tesla şirkətinin 100.000 işçisi var idi. Yəni nəticədə 10.000 işçi ixtisara düşməlidir. Hal-hazırda bəzi ixtisar olunmuş işçilər Tesla şirkətini məhkəməyə verib və digər işdən çıxarılmış əməkdaşları onlara qoşulmağa çağırırlar.
Daha öncə isə İlon Mask-a aid olan digər məktub da internetə sızdırılmışdır. Burada ABŞ şirkətinin baş direktoru, aparıcı menecerlərə ultimatum qoymuşdu. Onlar ofisdə işləmə rejiminə qayıtmalı və burada həftədə ən azı 40 saat keçirməli idilər. Bu qaydalara əməl etməyən menecerlər işdən azad olunacaqdılar.
Tesla şirkətinin yeni iş modeli
İndiki vəziyyətdə Tesla şirkətinin işçilərinin təxminən üçdə biri maaş əsasında, üçdə ikisi isə saatl hesabı ödəniş ilə çalışır. ilon Mask qeyd edib ki, nəticədə ümumi işçi sayı 3 – 3,5% azalacaq və bu da şirkətin işləməsinə o qədər də əhəmiyyətli təsir göstərməyəcək. Bütün bunların fonunda qlobal istehsalatın azalması ilə bağlı suala da Tesla sahibi həddinən qeyri-müəyyən cavab verib. “Bu çox güman ki baş verəcək, amma biz də dəqiq bilmirik”.
İlon Musk keçmiş şirkət işçilərinin də onlara qarşı məhkəməyə müraciət etməsini “əsassız” adlandırıb. “Bu, bizim üçün heç bir əhəmiyyətli nəticəsi olmayan kiçik bir məhkəmədir. Velosiped qəzası və ya digər oxşar bir hadisə, Tesla ilə bağlı olan hər şey böyük başlıqlara çevrilir.” deyə şirkət sahibi İlon Mask biraz acıqlı bir fikir səsləndirib.
