Elon Musk Teslanın insanabənzər Optimus robotu ilə bağlı yeni açıqlama verib. Milyarder iş adamı bu robot üçün AI Günü adlı tədbirin sentyabrın 30-a keçirildiyini bildirib. Dünyanın ən zəngin adamı, SpaceX və Tesla kimi şirkətləri idarə edən Elon Musk bir müddətdir robotlar haqqında diqqətçəkən açıqlamalar verir və bu sektora əhəmiyyət göstərir. Əslində Tesla təxminən bir il əvvəl ilk insanabənzər robotu Tesla Bot-u elan edib. Bu robotun ev işləri və mətbəx alış-verişi kimi həyatı asanlaşdıracaq vəzifələrdə istifadə oluna biləcəyi açıqlanmışdı. Optimus sayəsində görüləcək işlərin siyahısı daha da genişlənməlidir.
2021-ci il AI Günü tədbiri zamanı nümayiş etdiriləcək Optimus təxminən 173 santimetr (5 fut’8) boya, 57 kiloqram çəkiyə və 20 kiloqram daşıma qabiliyyətinə sahib olacaq. O, Teslanın elektrik avtomobillərində istifadə etmək üçün inkişaf etdirdiyi eyni süni intellekt sistemləri ilə idarə olunacaq. Tesla önümüzdəki dövrlərdə AI Günü adlı tədbir keçirəcək və bu tədbir çərçivəsində yeni texnologiyalarını təqdim edəcək. Süni intellekt sənayesi haqqında açıqlamalar verəcək. tviterdə paylaşan Elon Musk bu tədbirin 30 sentyabra təxirə salındığını açıqladı. Bəs Mask niyə belə bir qərar verdi?
Tərcümə: Tesla AI gününü 30 sentyabra təxirə saldıq, çünki o vaxta qədər işləyən bir Optimus prototipimiz hazır ola bilər.
Elon Musk tviterdəki paylaşımının gecikməsinin səbəblərinə də toxunub. Milyarder iş adamının sözlərinə görə, Teslanın tam işləyən Optimus prototipi o vaxta qədər tamamlana bilər. Buna görə də AI Günü adlı tədbirin qeyd edilən vaxta qədər təxirə salınması qərara alınıb. Yeri gəlmişkən onu da bildirək ki, ilk elan ediləndə Tesla Bot adlandırılmış robot indi Optimus adlanır. Elon Muskın robot sənayesi ilə maraqlandığını bilirik. Gəlin bu fikri biraz genişləndirək. Musk bir neçə həftə əvvəl verdiyi açıqlamada diqqətəlayiq bir çıxış etmişdi. Muskın fikrincə insanabənzər robotlar Tesla üçün avtomobillərdən daha vacibdir. Üstəlik Muskın sözlərinə görə, Optimus adlı robot 2023-cü ildə buraxıla bilər. Belə bir şey baş tutduqdan sonra şirkətin avtomobil istehsalı ilə bərabər bu barədə necə işləyəcəyi maraq mövzusu olacaq. Yəqin ki, Teslanın robotlarla məşğul olan daha geniş və fərqli bir müəssisə yaradılacaq.
Bəs siz Elon Musk-ın bu layihəsi haqqında nələr fikirləşiriniz? Cavablarınızı gözləyirik.
