Dimensity 9000+ çipseti MediaTek-in keçən il elan etdiyi Dimensity 9000 çipseti üzərinə təkmilləşdirmələr edilən yeni variantı kimi artıq qarşımızdadır. MediaTek, Dimensity 9000 ilə üst seqment telefon bazarında rəqabəti canlandırmışdı. Şirkət bu gün Snapdragon 8+ Gen 1 rəqibi olacaq Dimensity 9000+ çipsetini təqdim edib.
Dimensity 8000 və Dimensity 9000 seriyaları MediaTek-ə mobil çipset bazarında yenidən güc qazanmağa imkan yaradıb. Belə ki, Snapdragon 8 Gen 1 çipsetini Benchmark testlərində geridə qoyan Dimensity 9000 kiçik toxunuşlarla yenidən ortaya çıxıb. Yeni çipsetdə CPU performansında 5%, qrafik performansında (GPU) 10% artım əldə edildiyini MediaTek bildirib. Görüntü emalında və 5G texnologiyalarında da təkmilləşdirmələrin olduğu açıqlanıb.
Təqdimatda çıxış edən MediaTek Simsiz Rabitə Bölməsi Baş Direktor müavini Dr. Yenchi Lee:
“İlk flaqman sinfi 5G çipsetimizin uğuru üzərinə inşa edilən Dimensity 9000+ çipseti smartfon istehsalçılarının hər zaman ən yüksək performansa və ən yeni texnologiyalara sahib üst seqment smartfonlarla önə çıxmasını mümkün edir.” – Deyə bildirib.
MediaTek şirkətinin Cortex-X2 nüvəsinə etdiyi dəyişikliklər yeni çipsetin performans artımına təsir göstərib. Dimensity 9000 ilə eyni texnologiya əsasında hazırlanmış çipsetdə 1 ədəd Cortex-X2 nüvəsi 3,0GHz-dən 3,2 GHz tezliyə çıxarılıb. 3 ədəd Cortex-A710 və 4 ədəd Cortex-A510 nüvələrində dəyişiklik edilməyib. Şirkət 10 nüvəli Arm Mali-G710 qrafik çipindən istifadə etməyə davam edir, lakin çipin tezliyi naməlum tezliyə qədər artırılıb.
Ümumiləşdirsək Cortex-X2 və Arm Mali-G710 MC10 sürət aşırdılıaraq Dimensity 9000+ çipsetində istifadə edilib.
- 1 x Cortex-X2 (3.2GHz)
- 2 x Cortex-A710 (2.85GHz)
- 4 x Cortex-A510 (1.8GHz)
- Arm Mali-G710 MC10 (???MHz)
Əlavə olaraq MediaTek tərəfindən hazırlanmış Imagiq 790 görüntü emalı çipi eyni vaxtda üç kameradan 18 bitlik HDR video çəkməyə qadirdir. 320MP fotoşəkil çəkmə imkan verən çipsetin təsvir emalı həcmi 9 Giqapiksel olaraq açıqlanıb. MediaTek həmçinin yeni çipsetdə təsvirin təhriflərini azaldan süni intellekt texnologiyasından istifadə edib. Yəni həqiqətən gələcəyə yönümlü güclü bir ISP çipsetdə mövcuddur. Quraşdırıldığı cihazda 2K panellər 144Hz tezlikdə, FHD+ panelləri 180Hz tezlikdə işlədilə bilər. Bluetooth 5.3 bağlantı texnalogiyası, Wi-Fi 6E dəstəyi kimi detallara malikdir.
Şirkət bildirib ki, yeni çipsetə malik smartfonlar 2022-ci ilin 3-cü rübündə bazara çıxacaq. Lakin çipsetdən istifadə edəcək hər hansı telefon istehsalçısının adı çəkilməyib. Qualcomm şirkətinin Snapdragon 8 seriyalı çipsetləri hələ də brendlər arasında flaqman Android telefonlarında daha populyar çipsetlər olaraq qalır və Dimensity 9000+ çipsetinin gələn aylarda bunu dəyişib-dəyişdirməyəcəyini görmək lazımdır. Bəs siz bu mövzu haqqqında nə fikirəşirsiniz? Fikirlərinizi bizimlə bölüşməyi unutmayın.
