Beləliklə ilin ən çox gözlənilən tədbirlərindən birinin tarixi elan edilib. Belə ki, Qualcomm şirkətinin yeni Snapdragon 8 Gen 3 çipsetlərinin təqdimat tarixi elan edilib. Şirkət bu il yeni flaqman çipsetini həmişəkindən daha tez elan edəcək. Əsasən, noyabr ayında və ya dekabrın əvvəlinə doğru çıxarılan yeni “Snapdragon 8” seriyası bu il Xiaomi şirkətinin anonsu (xiaomi 14 seriyası) tezləşdirməsi ilə oktyabra çəkilibmiş kimi görünür.
Onu da qeyd edək ki, Xiaomi şirkəti də eyni zamanda yeni flaqman smartfon seriyasını bu ayın sonunda təqdim etməyə hazırlaşır. O cümlədən texnologiya nəhəngi yeni flaqman seriyası ilə birlikdə bizlərə yeni elektromobilini də təqdim edə bilər. Bundan əlavə Qualcomm şirkətinin yeni Snapdragon 8 gen 3 çipseti Geekbench 5 testlərindən uğurla keçib. Çipset ilk növbədə NX7679J kod adlı Nubia smartfonunda sınaqdan keçirilib. Nəticədə isə flaqman çipset təknüvəli testdə 1596 xal, çoxnüvəli tetdə isə 5977 xal toplayıb. Xatırladaq ki, Snapdragon 8 Gen 2 çipseti müvafiq olaraq testlərdə 1485 və 5200 xal toplamışdı. Hətta sınaq zamanı istifadə olunan smartfon hələ inkişaf mərhələsində olduğu üçün çipsetin tam performans göstərə bilmədiyi deyilir.
Bundan əlavə bir çox analitik qeyd edir ki, yeni Snapdragon 8 gen 3 çipseti gözləniləndən baha olacaq və bu da smartfon qiymətlərini artıracaq. Məhz bu səbəbdən də Xiaomi 14 seriyası həmişəkindən daha baha təklif oluna bilər. Bunun əsas səbəblərindən biri də məhz titanium çərçivə ola bilər. Beləliklə Snapdragon 8 gen 3 çipsetlərinin təqdimat tədbiri üçün 24 Oktyabrı gözləmək lazımdır.
