Keçən oktyabr ayında təqdim edilən Snapdragon 8 Elite həm performans, həm də səmərəlilik baxımından əhəmiyyətli təkmilləşdirmələr təklif etməyi bacarmışdı. Bununla belə, Qualcomm-un artıq Snapdragon 8 Elite Gen 2 üçün hazırlıqlara başladığı deyilir. Bu yaxınlarda, hətta Xiaomi-nin HyperOS proqramında yeni prosessorun mövcudluğuna dair bəzi sübutlar aşkar edilmişdi. Ötən saatlarda prosessorun istehsal prosesi ilə bağlı təəccüblü məlumatlar paylaşılıb.
Qeyd edək ki, Qualcomm bu günlərdə Snapdragon prosessorları üçün TSMC-yə güvənir. Bununla belə, qabaqcıl 3nm proses və bu sahədə yeganə olan TSMC xərcləri xeyli artırıb. Bu səbəbdən Qualcomm-un Samsung Foundry-ə müraciət edə biləcəyi bir müddətdir gündəmdə idi. Lakin son məlumatlar bunun mənfi nəticəsi olduğunu göstərir. Asiya bazarından alınan məlumata görə, Snapdragon 8 Elite Gen 2 yalnız TSMC-nin 3nm ‘N3P’ prosesində istehsal ediləcək.
Habelə, şirkətin yuxarı-orta seqmentli telefonlarda istifadə ediləcək Snapdragon 8s Elite üçün TSMC-yə müraciət edəcəyi bildirilir. Bunun əsas səbəbi Samsungun 3nm GAA texnologiyasındakı performans problemləridir. Həmçinin deyilir ki, Koreya nəhənginin 3nm GAA prosesində 20% gəlirlilik dərəcəsi var, kütləvi istehsala başlamazdan əvvəl adətən 60% və ya daha çox artırılmalıdır. Əlavə olaraq isə, yeni Snapdragon 8 Elite Gen 2 çipsetinin SME dəstəyi ilə 20%-ə qədər çox nüvəli performans artımı təklif edəcəyi deyilir. Bundan əlavə, N3P prosesi oxşar artıma səbəb olacaq.
