Son zamanlar əsasən smartfonlar arasında məşhurlaşan özün təmir et proqramını Cənubi Koreyanın məşhur smartfon brendi də təqdim etmək istəyir. Belə ki, Sammobile resursu, Samsung brendinin yeni “Özün Təmir Et” proqramı ilə bağlı ərizəni ABŞ Patent və Ticarət Nişanları İdarəsinə təqdim etdiyini bildirib. Xatırladaq ki, sonuncu dəfə Apple brendi bu xidməti istifadəçilərinə təqdim etmişdi. Apple brendinin təqdim etdiyi özün təmir et xidmətindən istifadə edənlər isə onun bahalı və narahat olduğunu bildirmişdi. Samsung bu xidməti Apple-dan daha yaxşı təqdim edə bilərmi? Bu sualın cavabı brend yeni xidmətini istifadəyə verdikdən sonra məlum olacaq.
Əsasən nəhəng smartfon istehsalçıları tərəfindən təqdim olunan özün təmir et xidməti, bu dəfə Samsung brendi tərəfindən hazırlanır. Qeyd edək ki, Samsung brendinin yeni özün təmir et proqramı istifadəçilərin smartfon, saat və qulaqlıq modellərini təmir etməsi imkanı yaradacaq. Yeni proqram ilə bağlı ABŞ Patent və Ticarət Nişanları İdarəsinə ərizə verən brendin ticarət nişanında dişli çarx və mavi fonlu açarın olduğuda iddia olunub. Hətta yeni özün təmir et xidmətinin artıq brendin bir sıra modeli üçün hazır olduğu da bildirilir. Belə ki, bu modellərə Galaxy S20 seriyası, Galaxy S21 seriyası və Galaxy Tab S7 Plus modelləri aiddir.
Əlavə olaraq qeyd edək ki, mənbənin iddiasına görə, Samsung xidmətə yeni cihazlar əlavə etməklə yanaşı iFixit şirkəti ilə də əməkdaşlığını bitirir. Beləliklə, samsung istifadəçiləri artıq iFixit-ə müraciət etməyə bilər. Samsung brendinin yeni xidməti gələcək həftələrdə elan edəcəyi gözlənilir.
