Apple şirkəti aprel ayında ABŞ müştəriləri üçün “özün təmir et” proqramına start vermişdi. Proqram daxilində istifadəçilər xüsusi alətlərdən istifadə edərək iPhone modellərinin ekranlarını, batareyalarını və kameralarını dəyişə bilərlər. Daha öncə iPhone istehsalçısı belə bir addıma qarşı idi, lakin çoxlu təzyiqlərdən sonra bu növ təmir dəstlərinin satışlarına başladı. Apple şirkətinin yeni təmir dəstini sınaqdan keçirənlərdən biri The Verge redaktoru Şon Hollister oldu.
Təmir dəstini sifariş etdikdən sonra, redaktorunu gözləntiləri kiçik alət dəstinin gəlməsi idi. Lakin əvəzinə Şon-a hərəsi 35 kq olmaq ilə 2 ədəd qutu çatdırdılar. Qeyd edək ki, Apple şirkəti bu qutuların çatdırılmasını özü ödəyir.
iPhone modelini açmaq üçün, xüsusi istilik cihazlarından istifadə olunur. Bununla siz cihazı qızdıra və sormalı qaldırıcı mexanizm ilə cihazı aça bilərsiniz.
Apple təmir dəstində İlk addımdan çətinlik yaşanıb
Redaktor ilk addımda problem ilə üzləşdi: smartfon stansiyaya tam oturmuşdu, lakin qızdırıcı xəta kodu göstərirdi. Apple şirkətinin təmir dəstləri ilə gələn təlimat kitabçalarında bu barədə heç bir məlumat yox idi. Nəticədə Şon cihazını iki dəfə ard-arda qızdırmalı oldu, amma bu ekranın ayrılması üçün kifayət etmədi. Təlimat kitabçasında qeyd edilən məlumata əsasən, sormanı ekran səthinə daha sıx otuzdurmaq üçün ikinci qol mexanizmindən istifadə etmək lazım idi.
Nəhayət ekranı ayırmağa bacardıqdan sonra, arasında olan yapışqanı təmir dəstindən çıxan xüsusi kəsici alət ilə ayırdı. Həmçinin Apple şirkətinin təmir dəstinə, smartfon üçün xüsusi saxlayıcı, ekran üçün əlavə sorma alətləri və smartfonun vintlərini çox bərkidilməsinə imkan verməyən alət daxildir. Təkcə ekranın sökülməsi üçün üç fərqli vintaçan tələb olunur. Onların heçbiri vintlərin saxlanılması üçün maqnitləşdirilməmişdir.
Ehtiyyat hissələrin dəyişdirilməsi
Batareyanı çıxarmaq və yenisini quraşdırmaq üçün fırlanan mexanizm ilə press istifadə edilir. Ekranın quraşdırılması üçün isə öncədən hazır kəsilmiş yapışqanlı list istifadə olunur. Quraşdırılması çox asandır. Prujin ilə işləyən press ilə smartfon bağlanılır, amma press təzyiqi altında belə ekran ideal şəkildə yerinə oturmur (səbəbi artıq yapışqan ola bilər).
Şon bu prosedurlardan sonra iPhone-nu yandırdıqda növbəti sürpriz ilə qarşılaşdı. Cihaz orijinal batareyanı orijinal kimi tanımadı. istifadəçi təmir prosesindən sonra, Apple şirkətinin üçüncü tərəf logistika şirkətinə zəng etməlidir. Burada quraşdırılmış ehtiyyat hissələri yoxlanılmalıdır. İstifadəçiyə əlavə olaraq kompüter və Wi-Fi bağlantısı lazımdır. Daha sonra iPhone diaqnostika rejiminə daxil olması üçün restart olunacaq. Şirkət, siz icazə verdikdən sonra uzaqdan idarə ilə cihaza qoşulub lazımı addımları atacaq.
Apple təmir dəsti haqqında yekun fikir
Redaktor Şon Hollister bu addımlardan sonra, Apple təmir dəstinin sifariş verməyə dəymədiyini düşünür. O, yeni batareya üçün 69 dollar ödəyib. Apple Service-də isə eyni məbləğə batareyanı dəyişdirə bilərdi. Əlavə olaraq Şon təmir dəstinin icarəsinə görə 49 dollar ödəyib və eyni zamanda kredit kart məlumatlarını qeyd edib. Əgər 1 həftə ərzində təmir dəsti qaytarılmasa hesabından 1200 dollar pul çıxılacaqdı.
“Bu haqqda nə qədər çox fikirləşsəm bir o qədər yaxşı dərk edirəm ki, Apple şirkətinin təmir dəsti proqramı şirkətin təmir hüququ siyasətini dəstəklədiyi təəssüratını yaratmaq üçün mükəmməl bir yoldur.”
Şon Hollister
