Samsung bu dəfə ağıllı saatlarının ekranlarını təkmilləşdirməyi planlayır. Belə ki cənubi koreya nəhəngi artıq Galaxy Watch Ultra modellərində MicroLed ekranlardan istifadə etmək istəyir. Qeyd edək ki, şirkət bu gün rəsmi olaraq məlumat verdi ki gələcəkdə ağıllı saatlarında MicroLed displeylərdən istifadə etmək istəyirlər. MicroLed ekranlı televizorları üçün diqqət çəkməyi bacaran Samsung bu dəfə ağıllı saatlarında da bu ekranlardan istifadə etmək istəyir. Hətta şirkət ilk olaraq bu ekranları yeni Galaxy Watch Ultra modelində sınaqdan keçirəcək.
Ümumiyyətlə Samsung brendinin Galaxy Watch Ultra saatlarında istifadə etmək istədiyi MicroLed ekranlar hansı xüsusiyyətlərə sahibdir? Gəlin bu suala cavab olaraq ilk, MicroLed ekran texnologiyasının təklif etdiyi imkanlara nəzər salaq. Belə ki, bu texnologiya ənənəvi Led struktrunun 50 mikrondan aşağı salır. Bu, ümumi 100 düymlük yüksək dəqiqlikli televizorlarda istifadə olunan LED elementlərinin yalnız 10%-ni təşkil edir. Bundan əlavə, MicroLed displeylərdə istifadə edilən RGB elementləri qeyri-üzvi materiallardan hazırlandığından ekranın yanma problemi yoxdur və onlar yüksək parlaqlıq və görüntü keyfiyyətini uzun müddət sabit saxlaya bilirlər.
Samsung ilk olaraq ağıllı saatlarında bu microled ekranlardan istifadə etməyə başlayacaq. Daha sonra isə sıra smartfonlar, planşetlər və noutbuklara gələ bilər. Xatırladaq ki, Apple şirkəti də MicroLed ekranlı Apple Watch Ultra modeli üzərində çalışır. Görünən odur ki, texnologiya nəhəngləri hazırda ciddi mübarizə içərisindədirlər.
