Daha bir tanınmış şəxs öz təcrübələrini və ideyalarını insanlarla paylaşmaq üçün InMerge Innovation Summit-də iştirak edəcək. Beləliklə, Women in Tech Global təsisçisi və baş icraçı direktoru Ayumi Moore Aoki Bakıya gəlir. Tedroid Media-nın da media tərəfdaşı olduğu InMerge Innovation Summit-də texnologiya vasitəsilə müsbət və davamlı dəyişiklik yaratmağa sadiq olan sosial sahibkar, uzaqgörən lider Ayumi də iştirak edəcək.
Qeyd edək ki, Women in Tech Global şirkətinin təsisçisi və baş direktoru kimi Ayumi qadınları və qızları Elm, Texnologiya, Mühəndislik, İncəsənət və Riyaziyyat (STEAM) sahələrində gücləndirən qlobal hərəkata rəhbərlik etmişdir. Onu da qeyd edək ki, Baş ofisi Parisdə yerləşən və 45 ölkədə fəaliyyət göstərən Women in Tech Global-ın 200.000-dən çox üzvü var və 2030-cu ilə qədər STEAM sahəsində 5 milyon qadın və qızı gücləndirməyi hədəfləyir.
Women in Tech hərəkatının əsasını qoyan və bu yolda ardıcıl olaraq uğurlar əldə edən Ayumi Moore Aoki InMerge Innovation Summit tədbirində iştirak edərək, texnologiya həvəskarlarına xüsusilə də qadınlara bu sahədə əldə etdiyi uğurlardan danışacaq və onlar üçün maraqlı məqamlara toxunacaq. Qeyd edək ki, PAŞA Holdinqin təşkilatçılığı və Trendyol Qrupunun dəstəyi ilə keçirilən InMerge İnnovasiya Sammiti Bakıda korporativ innovasiyalar üzrə həvəsi olan innovatorları, aparıcı texnologiya şirkətlərini və liderləri, startapları, eləcə də investorları bir araya gətirmək məqsədi daşıyır. Sammit, öz sahələrində transformasiyanı təşviq etmək, innovasiya ekosisteminə inteqrasiya etmək və strateji şəbəkələr vasitəsilə özünü təkmilləşdirməyə kömək etmək istəyən hər kəs üçün açıqdır.
Tədbirdə Ayumi Moore Aoki-dən əlavə olaraq, Azərbaycan bazarına yeni daxil olan Trendyol şirkətinin icraçı direktoru Çağlayan Çetin, UnionBank of Flippin-in icraçı direkoru David Hardoon, o cümlədən Bakcell şirkətinin baş direktoru Klaus Müller və məşhur TED spikeri Michael Ringel, Apple şirkətinin qurucularından olan Steve Wozniak və Tesla şirkətinin qurucu ortaqlarından biri hesab olunan JB Straubel kimi adlar da iştirak edəcək. Bundan əlavə Kapital Bank baş icraçı direktoru Fərid Hüseynov, Caucasus Ventures baş partnyoru Məmməd Kərim, PAŞA Holdiniq baş icraçı direktoru Cəlal Qasımov da iştirak edəcək. Ümumilikdə isə sammitdə Ecom, Fintech, Telecom, süni intellekt, Insurtech və energy mövzularında danışıqlar da olacaq.
30 noyabr- 1 dekabr tarixləri arasında Bakı Konqres Mərkəzində keçiriləcək sammitdə iştirak etmək üçün bilet əldə etməyə tələsin. Qeyd edək ki, Tedroid Media izləyiciləri üçün xüsusi olaraq 10% endirim də təklif olunur. Siz iticket səhifəsində bilet əldə edərkən sağ aşağı hissədə yerləşən promokod bölməsinə InT1RMerge0 daxil etsəniz, endirimi əldə edə biləcəksiniz. Yerinizi indidən tutun ki, daha görəcəyiniz çox sürpriz var və daha çox üçün izləmədə qalın!
