Ötən aylarda şirkətdaxili qalmaqallar ilə gündəmə gələn OpenAI indi Nvidia şirkətinin GPU-larından daha az istifadə etmək istəyir. Belə ki, Sam Altman tərəfindən idarə olunan OpenAI Nvidia GPU-larından asılılığını azaltmaq niyyətindədir. Hətta şirkət süni intellekt çiplərini TSMC ilə birlikdə istehsal etmək üçün danışıqlara başlayır. Ümumiyyətlə şirkət öz daxilində olan çaxnaşmadan sonra indi gələcək planları ilə bağlı bəzi dəyişikliklər edir.
OpenAI şirkətinin Nvidia şirkətinin məşhur GPU-larından istifadə etdiyi artıq hərkəsə məlumdur. Lakin şirkət hazırda öz ehtiyaclarını qarşılamaq üçün sadəcə Nvidia GPU-larından istifadə edə bilmir. Süni intellekt nəhəngi indi süni intellekt çip istehsalçısı üçün bazardakı mövqeyini gücləndirməyə çalışır. Financial Times-ın məlumatına görə, OpenAI baş direktoru Sam Altman hazırda maliyyələşdirmə üçün BƏƏ investorları və TSMC ilə danışıqlar aparır. Əgər danışıqlar uğurlu olarsa OpenAI Nvidia GPU-larından asılılığının azaltmaq üçün əhəmiyyətli addım ata biləcək.
Şübhəsiz OpenAI şirkətinin özünəməxsus süni intellekt çipləri istehsal etməsi milyardlarla dollar tələb edəcək. Lakin yenə də süni intellekt nəhənginin yeni planları bir çox investorlara maraqlı gəlir. Hətta Altman hazırda Tayvan mərkəzli çip istehsalçıları ilə eləcə də TSMC ilə yeni layihə ilə bağlı razılıq əldə etməyə çalışır. Qeyd edək ki, OpenAI şirkətinin öz çipsetlərindən və öz AI alqoritmlərindən istifadə etməsi üçün bir neçə il lazım gələ bilər. Məhz bu səbəbdən də hələlik şirkət Nvidia GPU-larından istifadə etməyə davam edəcək.
