Məhsuldar süni intellekt yarışında liderliyi ələ keçirən OpenAI, Google-a qarşı axtarış sistemi tərəfində mübarizə aparmaq istəyir. Belə ki, insayderlər OpenAI şirkətinin Google rəqibi yeni süni intellekt axtarış sistemi üzərində çalışdığını bildirir. Yeni axtarış sisteminin birbaşa ChatGPT-nin pullu və ya pulsuz versiyasına inteqrasiya ediləcəyi və ya onun müstəqil həlli olacağı hələ aydın deyil.
Bu gün ümumiyyətlə Google şirkəti axtarış mühərriki tərəfində Bing ilə mübarizə aparır. Hətta Microsoft rəqabəti apara bilmək üçün axtarış sisteminə milyonlarla dollar sərmayə edir. Bununla belə Google hələ də, istifadəçi sayında görə sektorda lider hesab olunur. OpenAI isə süni intellekt tərəfində əldə etdiyi uğuru ilə Google şirkəti ilə axtarış sistemi tərəfində rəqabət aparacağına inanır. Hələ şirkət rəsmi olaraq bununla bağlı açıqlama verməsə də, insayderlər artıq prosesin başladığını bildirir. Görünən odur ki, OpenAI, Microsoft-un güclü dəstəyi ilə Google-un veb axtarış tərəfindəki lider mövqeyinə hücum etməyə hazırdır.
Bir müddət əvvəl axtarış sistemi savaşını Google-a uduzmuş Microsoft üçün süni intellekt istifadəçilərinin əhəmiyyətli bir hissəsini öz ekosisteminə cəlb etmək üçün əla fürsət ola bilər. OpenAI-nin şəxsi axtarış sisteminin necə işləyəcəyi hələ dəqiq bilinmir, lakin internetdə ortaya çıxan bəzi məlumatlar əsasında sadəcə fərziyyələr irəli sürə bilərik. İnsayderlərə görə yeni axtarırş sistemi “Mənim üçün gözdən keçir” funksiyası kimi yeniliklərə sahib ola bilər. Yəni, OpenAI axtarış sistemində süni intellektin bütün xüsusiyyətlərindən istifadə edə bilər.
