Bildiyimiz kimi, Apple şirkəti ötən günlərdə Apple Vision Pro adlı yeni ağıllı eynəklərini təqdim etmişdi. Bütün dünyada gündəm mövzusu olan Apple Vision Pro modelləri yüksək qiymət etiketi ilə diqqət çəkməyi bacarmışdı. İndi isə məlum olub ki, Apple Vision Pro alıcıları kütləvi şəkildə ağıllı eynəkləri müxtəlif səbəblərdən geri qaytarır. Ümumiyyətlə Apple şirkətinin siyasəti satın alınan cihazların 2 həftə ərzində rəsmi mağazalara qaytarmağa imkan verir. Bu səbəbdən isə yeni buraxılmış Apple Vision Pro modelləri yaratdığı müxtəlif problemlərdən ötrü Apple şirkətinə çətinlik yaradıb.
The Verge mənbəsi xəbər verir ki, Apple müştərilərinin narazılığının əsas səbəbi “Vision Pro” cihazlarının istifadəsi zamanı yaranan diskomfortdur. Belə ki, istifadəçilər cihazın çəkisinin düzgün paylanmadığını və onun ön tərəfinin daha ağır olduğunu bildirir. Habelə uzun istifadə zamanı cihaz insanların başında müəyyən narahatlıq hissinin yaranmasına səbəb olur və başın ön hissəsini aşağı çəkir. İkinci səbəb isə başın hərəkətindəki başa düşülməsi çətin olan gecikmədir. Bundan əlavə cihazın istifadə müddətinin də olduqca az olması və batareyasının xarici olması istifadəçilərin şikayət etdiyi mövzulardandır.
Apple Vision Pro alıcıları flaqman cihazları kütləvi şəkildə yaratdığı narahatlıqlardan ötrü geri qaytarır. İstifadəçilər bildirir ki, müxtəlif formalı qulaqlıqların və tənzimlənən baş bandının olması belə Apple Vision Pro-nun bütün istifadəçilərin başına eyni dərəcədə yaxşı oturmasına imkan vermir. Digər mənfi tərəflərdən biri isə cihaz üçün çoxlu oyun çeşidinin olmamasıdır.
