Bildiyimiz kimi, Yaponiyanın SoftBank Group şirkəti prosessor istehsalçısı Arm hissələrini Nasdaq birjasında satışa çıxaracaq. İndi isə məlum olub ki, şirkətin hissələri üçün Nvidia, Samsung, Apple və Intel kimi texnologiya nəhəngləri ilkin investor olacaq. Hətta Arm şirkətinin hissələri üçün təklifin ümumilikdə 60 milyard dolları ötəcəyi gözlənilir. Bu isə ilin ən böyük təklifi ola bilər. Beləliklə SoftBank Group şirkəti ARM ilə gəlirlərini əhəmiyyətli dərəcədə artıracaq.
Ümumiyyətlə Arm şirkəti hazırda bazarda mövcud olan bir çox texnologiya nəhəngi üçün yarımkeçirici istehsal edir. İndi isə məlum olub ki, bir çox texnologiya nəhəngi şirkəti o cümlədən Nvidia, Samsung və Apple şirkətin hissəsləri üçün ilkin investor olacaq. Bundan əlavə şirkətin hissələrinin 10-15%-lik hissəsi bazara çıxarılacaq. Hətta bu hissələr maksimum məbləğdə təklif ala bilər. Qeyd edək ki, SoftBank şirkəti 2015-cı ildə 24 milyard funt və ya 31 milyard dollara alıb. Bu gün isə şirkətin 75%-i məhz SoftBank Group-a, digər hissəsi isə bütün dünya üzrə texnologiya nəhənglərinə sərmayə qoyan Vision Fund-a məxsusdur.
Arm şirkəti 1990-cı ildə qurulsa da, hazırda bir çox texnologiya nəhənginin cihaz istehsal etməsi üçün həlledici rol oynayır. Arm çipsetlərinin batareya ömrü çox olduğundan smartfon bazarında onların bazar payı 90%-i ötür. Xatırladaq ki, SoftBank şirkəti 2020-ci ildə ARM şirkətini Nvidia nəhənginə satmaq istəsə də, bu rəqabəti pozduğu üçün tənzimləyici qurumlar tərəfindən ləğv olunub.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
