Dünyanın ən məşhur sürət tesi olan Speedtest cari ilin 2-ci rübü üçün hesabat yayımlayıb. Qeyd edək ki, hesabat həm ölkələr, həm də şəhərlər üzrə mobil və sabit internet tarifi olaraq yayımlanıb. Siyahıda Azərbaycan da mövcuddur. Təəssüf ki, mobil internet üzrə bu ilin ikinci rübündə ölkəmiz geriləyərək 59-cu sıraya düşüb. Ümumiyyətlə bu gün ölkəmizin ən başlıca məqsədlərindən biri internet sürətinin və keyfiyyətinin artırılmasıdır. Hətta bu məqsədlə müəyyən addımlar da atılır.
Speedtest şirkətinin bu ilin 2-ci rübü üçün yayımladığı hesabata görə ölkəmiz mobil internet üzrə 40.39 Mbps yükləmə sürəti ilə 59-cu, sabit internet üzrə isə 29.47 Mbps ilə 116-cı yerdədir. Maraqlısı budur ki, ölkəmizdən bir sıra aşağıda Tailand, bir sıra yuxarıda isə Monteneqro yerləşir. Həmçinin mobil internet üzrə qardaş ölkə Türkiyə 32.52 Mbps göstərici ilə 72-ci yerdə qərarlaşıb. Ondan biraz aşağıda isə qonşumuz Gürcüstan 31.76 Mbps göstərici ilə dayanır. Xatırladaq ki, ötən il yayımlanan hesabatda ölkəmiz 33.64 Mbps göstərici ilə mobil internet üzrə dünyada 58-ci yerdə qərarlaşmışdı.
Sabit internet tarifi üzrə isə vəziyyət biraz daha qarışıqdır. Belə ki, Azərbaycan 29.47 Mbps sürət ilə 116-cı yerdə qərarlaşıb. Ötən il isə bu göstərici 23.66 Mbps idi və ölkəmiz 119-cu yerdə idi. Qonşularımızda isə vəziyyət biraz daha fərqlidir. Belə ki, Türkiyə 33.99 Mbps göstərici ilə 110-cu sırada, Gürcüstan 25.74 Mbps ilə 124-cü sırada qərarlaşıb. Ümumilikdə mobil internet üzrə Birləşmiş Ərəb Əmirliyi 200.24 Mbps göstərici ilə, sabit internet üzrə isə Sinqapur 247.29 Mbps göstərici ilə liderlik edir. Əlavə olaraq qeyd edək ki, Speedtest tərəfindən yayımlanan hesabat Bakının mobil internet üzrə 42.42 Mbps göstərici ilə dünya üzrə 78-ci, sabit internet üzrə isə 30.92 Mbps göstərici ilə 136-cı yerdə dayandığını bildirir.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
