ABŞ Ədliyyə Nazirliyinin müstəntiqləri Nvidia şirkətinin süni intellekt sistemləri bazarındakı fəaliyyətinə marağı ilə diqqət cəlb edib. Belə ki, Bloomberg mənbəsinə görə, müstəntiqlər rəsmi istintaq aparmaq üçün hərəkətə keçib. Bu səbəbdən isə Nvidia ABŞ fon bazarı tarixində ən böyük enişlə üzləşib, hətta şirkətin səhm qiymətləri rekord dərəcədə ucuzlaşıb.
Əsas ticarət sessiyası zamanı Nvidia səhmləri dəyərinin demək olar ki, 10%-ni itirib və birja bağlandıqdan sonra daha 2% eniş yaşayıb. Bu isə bir gün ərzində şirkətin kapitalının təxminən 300 milyard dollar azalması ilə nəticələnib. CNBC-yə görə, bu, Nvidia-nın 2020-ci ilin martından bəri bazar dəyəri üçün ən pis göstərici olub. Bundan əlavə, Nvidia dünən ABŞ fond bazarı tarixində bir ticarət sessiyasında kapitallaşmada ən böyük enişlə üzləşib. Nvidia-nın son bir neçə il ərzində güclü səhm qiymət artımı məhz onun süni intellekt sistemləri üçün komponentlər bazarında artan təsiri ilə bağlıdır, lakin antiinhisar araşdırması vəziyyəti dəyişib.
İyun ayında Nvidia qısa müddət ərzində bazar kapitallaşmasına görə dünyanın ən böyük açıq şəkildə satılan şirkəti olmuşdu. O, bu mövqeyini qoruya bilmədi, lakin avqust ayında rüblük mənfəət açıqlandığı üçün səhm qiyməti artmağa davam etdi. Bununla belə, Nvidia-nın rüblük statistikasının açıqlanmasından sonra, investorlar server seqmentində gəlir artımının yavaşlamasından qorxduqları üçün səhmlərinin qiyməti demək olar ki, 7 faiz aşağı düşüb. Əgər antiinhisar orqanları şirkəti öz bazar taktikasını dəyişməyə məcbur etməyə başlasalar, bu, şirkətin gəlirlərinə yaxşı təsir göstərməyə bilər. Bu narahatlıqlar dünənki ticarətdə Nvidia-nın səhm qiymətinin aşağı düşməsində də özünü göstərdi.
