Oyun dünyasının ən əfsanəvi adlarınan biri olan Nintendo Yaponiyada ən çox satılan 10 oyunun hamısına sahib olub. Beləliklə, oyun nəhəngi Yaponiyada uzun müddət qırılması mümkün olmayacaq rekordu qırıb. Ümumiyyətlə şirkətin oyun konsolları demək olar ki, ən çox Yaponiyada satılır və məhz bu oyun konsolları da elə bu ölkədə populyarlaşmağa başladıqdan sonra dünyada ad qazanmışdı. Yaponlar Nintendo Switch konsoluna o qədər düşkündür ki, ölkədə ən çox satılan 10 oyunun hamısı da məhz Nintendo konsolları üçündür.
Nintendo Switch ilk təqdim edildiyi zamanlarda analitiklər onun əsas oyun konsolları qarşısında çox da şansı olmadığını düşünürdü. Lakin bu gün 132 milyon ədəd satılan bu konsol bütün rəqiblərini tarixin tozlu səhifələrinə həkk edib deyə bilərik. Habelə uzun müddət Nintendo şirkətinin qazadığı bu uğurlar və ya rekordlar heç bir şirkət tərəfindən qazanılmayacaq. Nintendo sözün əsl mənasına rəqiblərinə dərs verərək Yaponiyada ən çox satılan 10 oyunun hamısına öz imzasını qeyd edib.
Qeyd edək ki, Yaponiyada ən çox satılan oyunlar siyahısının ilk sırasında 2 milyon nüsxə ilə “The Legend of Zelda: Tears of the Kingdom” oyunu dayandığı halda 2-ci sırada 1.5 milyon nüsxə ilə Super Mario Bros. Wonder oyunu gəlir. Ümumiyyətlə Nintendo, demək olar ki, 19 ildir ki, Yapon oyun satışlarına rəhbərlik edir. Lakin bu dəfə şirkət qırılması çətin bir rekorda imza atıb.
