Yaponiya mərkəzli məşhur Kawasaki şirkəti indi dünyanın ilk hidrogen mühərrikli motosiklet konseptini elan edib. Honda, Suzuki, Toyota və Yamaha şirkətlərinin daxil olduğu HySE konsorsiumunun təşəbbüsü ilə yeni konsept yaradılıb. Beləliklə yüksək performanslı idman motosikletləri ilə məşhur olan Kawasaki indi hidrogen mühərrikli motosikleti ilə gündəm mövzusu olmağı bacarıb. Kawasaki Ninja H2 SX modelinə əsaslanan konsept HySE loqosu ilə uyğun gələn mavi rəng çaları və ənənəvi Kawasaki dizaynında sahib olub.
Qeyd edək ki, hazırda dünyada bir çox şirkət hidrogen mühərriklərindən istifadə etməyə təşəbbüş göstərir. Ekoloji cəhətdən təmiz olan bu mühərriklərin istifadə olunması isə hələlik sınaq mərhələsindədir. Məhz bu səbəbdən də sadəcə dünyada bir neçə şirkət hidrogen mühərrikindən istifadə edə bilib. Bunlardan biri də məhz hidrogen mühərrikli motosiklet hazırlamağı bacaran Kawasaki brendidir. Ümumiyyətlə hidrogen mühərriki işləyərkən ənənəvi benzin və dizel mühərrikləri kimi karbon deyil sadəcə su emissiya edir.
Hazırda dünyada karbon emissiyasının azaldılması məqsədi ilə elektromobillər istehsal olunur. Məhz karbon emissiyasının azladılmasının bir digər üsulu da hidrogen mühərrikləridir. Hidrogen mühərrikli avtomobilin yanacaq əldə etməsi ilə elektromobilin şarj olması arasında isə hələ də ciddi fərq mövcuddur. Hidrogen bir çox tərəfdə üstünlüklərə sahib olsa da müxtəlif problemləri də mövcuddur. Belə ki, hidrogen yanacağı infrastrukturu hələ ilkin mərhələdədir və bu infrastrukturun yaradılması üçün böyük investisiyalara ehtiyac var.
