CIRP Araşdırma Mərkəzi ABŞ-də nə qədər Android smartfon istifadəçisinin son 12 ayda iPhone modellərinə keçdiyini göstərən sorğunun nəticələrini dərc edib. Araşdırmaya görə, 2022-ci ilin aprelindən 2023-cü ilin martına qədər bu rəqəm son beş ilin rekord həddinə çatıb.
Məlumata görə, yeni iPhone alıcılarının 15%-lik hissəsi Android ilə işləyən smartfondan iPhone modelinə keçid edib. Keçən illə müqayisədə 4%, 2021 və 2020-ci illərdə isə 5%-lik artım xüsusilə iPhone 14 seriyasından sonra müşahidə edilib. Qalan 83% alıcı daha əvvəl iPhone sahibi olduqlarını bildirir.
Sonuncu dəfə 2018-ci ildə görülüb ki, Apple smartfonlarına keçid edən alıcılarının 15%-i keçmiş Android istifadəçiləridir. Android ekosistemindən çıxanların ən yüksək səviyyəsi 2016-cı ildə qeydə alınıb, o zaman iOS cihazı alıcılarının 21%-i Android smartfonlarından iPhone modellərinə keçib.
9to5Mac ekspertlərinin fikrincə, hər iki əməliyyat sisteminin inkişaf səviyyəsi keyfiyyət və funksionallıq baxımından praktiki olaraq ən mükəmməl mərhələyə çatıb. Ortaya çıxan məlumatlara görə digər bir tərəfdən Apple maliyyə direktoru Luca Maestri, son rüblük hesabatında iPhone bazar payının daha da artmalı olduğunu, Android üzərində kütləvi iPhone-a cəlb etmə planlarının olduğunu söylədi.
Nəhayət, CIRP tərəfindən bildirilir ki, alıcıların platformaları dəyişmək qərarına dəqiq nəyin təsir etdiyini araşdırılması hədəflənir. Növbəti hesabatda bu barədə daha çox danışılacaq. Mütəxəssislər bunun bir mənalı innovasiyanın olmaması, məhdud funksionallıq və istehsalçı zəmanətinin olmaması ilə əlaqədar olduğunu deyirlər. Lakin dəqiq nəticə üçün mütləq araşdırma tələb olunur.
