Beləliklə, Çinli OEM tərəfdaşları Intel şirkətinin Çində təqdim etdiyi Green PC standartına uyğun kompüter hazırlayır. Qeyd edək ki, Çinli OEM tərəfdaşları arasında Asus, Dell, HP, Lenovo və az tanınan Çinli brendlər var. Fevral ayında Intel və tərəfdaşları tərəfindən Pekində 90% təkrar emal edilə bilən Green PC konseptini təqdim etdikdən sonra, əsas istehsalçılar Çində bir araya gəldilər və bir sıra Green PC reytinqləri və tətbiq standartlarını nəşr ediblər.
Standart vahid üzrə 15 birinci səviyyə və 27 ikinci səviyyə göstəricisi mövcuddur. GreenPC reytinqi almaq üçün tələb olunan beş qiymətləndirmə vahidi, “Dizayn Təsviri”, “İstehsal müddəti”, “İstifadə və Baxım”, “Təkrar emal oluna bilmə” və adı açıqlanmaya digər elementdir. Yekun ballar 60 baldan aşağı olarsa, Green PC strandartı verilməyəcək, 61-74 bal toplayanlar Green PC Bronze, 75-89 bal toplayanlar Green PC Silver, 90+ bal toplayanlar isə Green PC Gold standartını əldə edəcəklər. Bu reytinq sisteminin ən azı Çində gələcək kompüter etiketlərində istifadə ediləcəyi gözlənilir, lakin eyni və ya oxşar sistemin ABŞ-a gəlməsi də mümkün ola bilər.
Intel, reytinq sistemini təkmilləşdirməklə yanaşı, Intel Asus, Dell, HP, Lenovo, H3C, Panlong və Tongfang kimi şirkətlərlə birlikdə qarşıdan gələn bəzi Green PC modellərini də təqdim edib. Bunlara Panlong Tenglong, H3C H3C Desk X500s G2, Asus D700MER, Dell OptiPlex 7020, HP Pro SFF 280 G9, Lenovo ThinkCentre M70a Gen5 kimi cihazları misal göstərmək olar. Ümumilikdə, yeni reytinq sistemi perspektivli görünür, lakin bu Green PC seriyasının əslində nə qədər uğurlu olacağını bizə zaman göstərəcək.
