Dünyanın ən böyük avtomobil nəhənglərindən olan Hyundai bu dəfə batareya tərəfində Samsung şirkəti ilə tərəfdaşlıq edəcək. Belə ki, bu gün ikin nəhəng arasında 7 illik batareya müqaviləsi imzalandığı açıqlanıb. Müqavilə çərçivəsində Samsung şirkətinin SDI bölməsi Hyundai brendinin gələcək elektromobillərinə qabaqcıl batareya texnologiyalarını tədarük edəcək. Bundan əlavə əsas diqqətin Avropada istehsal ediləcək elektromobillərə veriləcəyi də bildirilir.
Samsung SDI-nin prezidenti və baş icraçı direktoru Choi Yoon-ho bildirib ki, “Hyundai ilə uzunmüddətli tərəfdaşlığımız çərçivəsində qabaqcıl texnologiyalar və üstün keyfiyyətli batareyalar təmin etməklə, biz şirkətə qlobal bazar liderliyini möhkəmləndirməkdə kömək etmək üçün əlimizdən gələni edirik”. Rəsmi açıqlamada qeyd edilməsə də, Samsung şirkətinin cənubi koreyalı texnologiya nəhənginə aid 500 min elektrikli avtomobili batareya ilə təmin edəcəyi bildirilir. Həmçinin bu batareyların kifayət qədər yüksək enerji sıxlığına malik P6 adlı batareyalar olacağı da bildirilir.
Beləliklə Hyundai və Samsung batareya tərəfində tərəfdaşlıq edəcək və 2025-ci ildən Samsung imzalı Hyundai elektromobilləri bazara çıxarılacaq. Maraqlısı budur ki, Hyundai prosessor tərəfində də, samsung tərəfindən hazırlanan Exynos Auto V920 prosessorundan istifadə edəcək. Qeyd edək ki, sözügedən Exynos Auto V920, avtomobildə səkkiz fərqli yüksək keyfiyyətli ekranı idarə edə bilən 10 nüvəli prosessor və güclü GPU-ya malikdir. Avtomobilə 12 fərqli kamera yerləşdirməyə imkan verən prosessor, avtonom idarəetmə sistemləri üçün də geniş imkanlar təklif edir.
