Smartfon bazarının aparıcı adlarından biri olan Huawei, məşhur çip istehsalçısı MediaTek şirkətini məhkməyə verib. Belə ki, Çinli texnoligiya nəhəngi 5G, 4G və 3G patentlərinin pozulduğunu iddia edir. Bu dəfə Huawei brendi öz haqlarını qorumağa çalışır.
Hazırda məhkəmədə olan iddiada Huawei, 5G, 4G və potensial 3G daxil olmaqla, şəbəkə ilə bağlı patentlərinin pozulduğunu iddia edir. Belə ki, Asiya bazarından alınan məlumata görə, MediaTek bu səhər verdiyi açıqlamada patent pozuntusunu təsdiqləyib və bunun Huawei tərəfindən günahlandırıldığını etiraf edib. O, həmçinin əlavə şərh verməkdən imtina edərək bildirib ki, hazırda iş məhkəmədədir. Qeyd edək ki, MediaTek ABŞ-ın ixrac məhdudiyyətlərindən əvvəl Huawei şirkətinin ən böyük təchizatçılarından biri idi.
MediaTek-ə qarşı qaldırılan iddia, Huawei-nin davam edən tədqiqat və inkişaf (R&D) işləri üçün lisenziya ödənişlərindən irəli gəlir. Eyni şəkildə, sözügedən patentlər və lisenziyalar Huawei-nin ən böyük gəlir mənbələrindən biridir və dünyada 5G ilə bağlı patentlərin təxminən 20%-nə sahibdir. Bundan əlavə, simsiz rabitə texnologiyaları üçün tələb olunan standartlara əsaslanan patentlərin (SEP) əhəmiyyətli bir hissəsi də Huawei şirkətinə məxsusdur. Nikkei-yə görə, şirkət 2022-ci ilə qədər 560 milyon dollar gəlir əldə etməklə yanaşı, 200 fərqli şirkətlə lisenziya müqaviləsi imzalayıb. MediaTek-ə qarşı qaldırılan iddianın necə yekunlaşacağı isə hələlik məlum deyil.
