2023-cü ilə başlayarkən Trendfocus tərəfindən hazırlanan yeni hesabat, sərt disk (HDD) sənayesinin ağır vəziyyətini ortaya qoyub. 2022-ci ilə qədər ən böyük HDD (Hard Disk Drive) saxlama təminatçılarını, tədarükləri və bazar paylarını əhatə edən yeni araşdırmaya görə, Seagate və WDC-nin satışları yarıya qədər azalıb, digər şirkətlər isə dramatik azalma ilə üzləşib.
Verilən məlumatlara görə, bazarda ən pis performans göstərən firma “Hard Disk Drive” sənayesi üçlüyünün ən böyük üzvü olan Seagate-dir. Seagate şirkətinin HDD tədarükləri keçən il 43,7% azalıb. WDC isə eyni dövrdə 43,0% itki ilə Seagate şirkətini təqib edib. Digər tərəfdən, Toshiba şirkətində də 39,3% azalma müşahidə olunub. Bütün HDD sektoruna baxdıqda 2022-ci ildə 35 və ya 36 milyon çatdırılmanın olduğunu görürük. Keçən il ilə müqayisədə azalma 42,5% qədər çox yüksək bir dəyərə çatıb. Təbii ki, bu vəziyyətin uzun illər davam edəcək səviyyədə olmadığını demək mümkündür.
| Satıcı | HDD milyonlarla | Q/Q dəyişikliyi | Y/Y dəyişikliyi | Bazar payı |
| Seagate | 15.10 – 15.60 | -3.9% -0.7% | -43.7% -41.7% | 42.9 – 42.9% |
| Toshiba | 7.80 – 8.0 | -2.6% -0.1% | -39.3% -37.7% | 22.2% – 22.0% |
| WDC | 12.30 – 12.80 | -16.2% -12.7% | -43.0% -40.7% | 34.9% – 35.2% |
| Total | 35.20 – 36.40 | -8.3% – 5.2% | -42.5 -40.5% | 100% |
Ümumi bazar tendensiyaları və üç böyük “Hard Disk Drive” istehsalçısının hər birinin sərvətlərinin nəzərə alınması ilə yanaşı, analitiklər HDD seqmentini detallı nəzərdən keçirdilər. Trendfocus hesab edir ki, HDD saxlama istehsalçıları üçün ən böyük problen bulud serverləri sektoruna tələbatın azalmasıdır. Digər bir tərəfdən bulud saxlama şirkətlərinin inventar düzəlişlərinin birləşməsi bu seqmentin 2022-ci ilin 4-cü rübündə tədarüklərin ciddi şəkildə azalmasına gətirib çıxara bilər. Digər bazar təhlili firması TrendForce, laptop HDD sənayesinə çox bədbin xəbərlər verərək, 2022-ci ildə satılan noutbukların 92%-lik hissəsində SSD disklərinin olduğunu və bu nisbətin 2023-cü ilə qədər 96%-ə qədər yüksəlməsinin gözlənildiyini bildirir.
