Elon Musk öz Twitter hesabında insanların gələcəkdə Marsa necə enəcəyini göstərən video paylaşıb. Twitter, Tesla və SpaceX baş direktoru tərəfindən paylaşılan videoda USSF-67 missiyasını bu yaxınlarda tamamlayan iki Falcon Heavy raketinin enişi göstərilib.
SpaceX tərəfindən həyata keçirilən USSF-67 missiyası, əvvəlki USSF-44 Falcon Heavy missiyasında olduğu kimi, ABŞ Kosmik Qüvvələrinin peyklərini daşıyıb. USSF-67 missiyasındakı əsas peyk isə təxminən 35,700 kilometr yüksəklikdə yerləşəcək SATCOM 2 (CBAS-2) peykini daşıyırdı. Bu peykdən əlavə daha 5 kiçik hərbi peyk də orbitə çıxarılıb. Açıqlamalara görə, digər peyklər ümumiyyətlə ABŞ döyüş təyyarələrinin kosmos imkanlarını və kommunikasiyalarını təkmilləşdirməyi hədəfləyir.
Bundan əlavə, SpaceX şirkəti Falcon Heavy raketlərindən tez-tez istifadə etmir. Belə ki, USSF-44 missiyasının üstündən 3 ildən çox vaxt keçib. Bu iki missiyadan başqa, Falcon Heavy daha üç uçuş da həyata keçirib. Bu uçuşlar iyun 2019, Aprel 2019 və Fevral 2018 tarxlərində baş tutub.
Bundan əlavə, Falcon Heavy roketi 27 ədəd Merlin mühərriki ilə təchiz edilib və 5 milyon funtdan (anlaşılan formada 2.267.962 kq qədər) çox itələmə qüvvəsi yaradır. Bundan əlavə NASA-nın Artemis 1 missiyasında istifadə etdiyi SLS raketi hazırda dünyanın ən güclü raketi hesab olunur. Lakin SpaceX Mars missiyaları üçün Starship adlı ayrıca raket sistemini hazırlayır və sınaqdan keçirir. Starship raketi insanları Marsın səthinə enmək üçün uyğunlaşdırılır və 100 ton yük daşıma qabiliyyətinə malik olacaq. Starship, 16 milyon funt gücündə 33 Raptor mühərriki ilə buraxılış meydançasından çıxacaq. Lakin hələlik planlaşdırılan reysin tarixi açıqlanmayıb. Sizin fikirinzcə Starship raketi hazır olduqda Marsa enmək mümkün olacaqmı?
