Google şirkəti çoxdan gözlənilən Taara adlı yüksək sürətli silikon fotonik çipini təqdim edib. Beləliklə, Google yeni çip ilə birlikdə kabelləri unutduğunu bildirərək, yeni layihə ilə birlikdə internetin gələcəyini işıqla formalaşdırmağı hədəfləyir.
Ana şirkət Alphabetin-in X adlı bölməsi 7 illik inkişaf mərhələsindən sonra layihənin ən son versiyasını bizlərə təqdim edib. Belə ki, Google Taara çipi birinci nəsil modeldən on dəfə kiçikdir. Bu yeni çip 20Gbps-ə qədər sürət vəd edən internetə qoşulma və istifadə üsulumuzu yenidən formalaşdırmaq potensialına malikdir. Alphabet-ə görə, bu çip işıq şüalarından istifadə edərək məlumatları hava ilə ötürə bilir. Əvvəlki versiyaları ilə müqayisədə əhəmiyyətli təkmilləşdirməni təmsil edən Taara çipi mürəkkəb işıq yönləndirmə sistemlərini aradan qaldıraraq daha səmərəli məlumat ötürülməsini təmin edir. Qeyd edək ki, çip ənənəvi fiber optik kabellərə bənzər, lakin kabellərə ehtiyac olmadan işıqdan istifadə edərək məlumatları daşıya bilir.
Yeni çip qabaqcıl proqram təminatından istifadə edərək şüaları lazım olan yerə yönəldə bilir. Bundan əlavə, əvvəlki modeldən daha kiçik bir quruluşa malikdir. Taara-nın ilk versiyası işıqfor ölçüsündə olduğu halda, yeni çip demək olar ki, barmaq ucu ölçüsündədir ki, bu da istifadə rahatlığı baxımından böyük bir üstünlükdür. Birinci versiyada işıq güzgülərin köməyi ilə yönəldilsə də, indi bu proses proqram təminatı sayəsində həyata keçirilir. Ümumiyyətlə, Taara çipi əvvəlcə X-in Project Loon internet balonları üçün hazırlanmışdı. Lakin, Alphabet bu layihəni 2021-ci ildə bitirmək və diqqətini Taara çipinə yönəltmək qərarına gəlib.
Elektromaqnit spektrində görünən işıq və infraqırmızı işıq arasında yerləşən görünməz dalğa uzunluqları Taara-ya məlumatları 20 kilometrə qədər məsafələrə 20 Gbps sürətlə ötürmək imkanı verir. Taara-nın işıq yayan qurğuları bir neçə günə quraşdırıla bilər. Laboratoriya sınaqlarında Taara komandası iki yeni çipdən istifadə edərək 1 kilometrə qədər məsafələrə 10 Gbit/s sürətlə məlumat ötürə bilib. Qeyd edək ki, yeni Taara çipinin 2026-cı ildən satışa çıxarılması gözlənilir. Bununla belə, bu çipin, xüsusən də adi istifadəçilər üçün geniş yayılması üçün müəyyən vaxt tələb oluna bilər.
