Google həmişə axtarış tarixçəsinin təhlükəsiz olduğunu və mühafizə edildiyini iddia edir. Lakin bu dəfə Google özü istifadəçilərin tarixçəsini reklam strategiyasını müəyyənləşdirmək üçün izləyir. Əslində bu gün bir çox sosial şəbəkədə eyni addım atılır. Şirkətlər istifadəçilərin axtarış tarixçəsini, habelə maraqlandığı digər şeyləri izləyir və ona uyğun reklamlar təyin edir. Təbii ki, Google şirkəti də eyni qayda da reklamları üçün müəyyən strategiya qurmalıdır. Lakin burada maraqlı olan odur ki, şirkət istifadəçilərə tarixçənin kukilərdən daha təhlükəsiz və anonim olduğunu iddia edir.
Artıq Google şirkəti də Chrome brauzerinizin tarixçəsinə əsaslanaraq reklramları müəyyənləşdirməyə başlayıb. Yəni Google reklam üçün bütün istifadəçilərinin tarixçəsini izləyir. Lakin narahat olmağa dəyməz, çünki biz sizə bunun necə bağlanacağını başa salacağıq. Yəqin ki, bu yaxınlarda Google Chrome brauzerinə daxil olduğunuzda hədəflənmiş reklamlardan bəhs edən pop-up almısız, və bunu oxumadan belə Anladım düyməsinə klikləmisiniz. Xoşbəxtlikdən bu funksiyanı parametrlər bölməsindən deaktivasiya etmək mümkündür.
Qeyd etdik ki, bu funksiyanı söndürmək mümkündür. İlk öncə brauzerinizdə Parametrlər bölməsinə daxil olun. Daha sonra isə Məxfilik və Təhlükəsizlik seçiminə oradan da Reklam Məxfiliyi bölməsinə klik edin. Nəhayət Reklam mövzuları seçimini kliklədiyinizdə burada reklamlarla bağlı bir çox funksiya olduğuna şahid olacaqsınız. Hətta burada istifadəçilər izlənilməsini istəmədikləri mövzuları özü bloklaya bilər. Həmçinin buradan reklam mövzularını deaktivasiya edərək tamamilə reklam üçün izlənilməni bağlamaq mümkündür.
