Bütün sürücülər tərəfindən istifadə edilən naviqasiya artıq fərqli səviyyəyə keçid edəcək. Belə ki, 2GIS xəritə xidməti ticarət mərkəzlərində müştərilərə naviqasiya təklif edəcək. Bu gün dünyada bir çox mürəkkəb strukturlu ticarət mərkəzi var. Hətta bu ticarət mərkəzləri o qədər qarışıq olur ki, bəzən müştərilər istədikləri mağazaları və ya resorantları tapmaqda, o cümlədən çıxışı tapmaqda müəyyən qədər çətinlik çəkir. Məhz 2GIS şirkəti bu problemin həllini tapıb.
Artıq ticarət mərkəzlərində də naviqasiya xidmətlərindən istifadə etmək olacaq. Belə ki, 2GIS xidmətinin komandası yeni funksiya ilə mobil tətbiqin imkanlarını genişləndirib. Yeni funksiya vasitəsi ilə təkcə şəhər küçələrində deyil, həm də iri ticarət obyektlərinin daxilində marşrutlar yaratmaq mümkün olacaq. Beləliklə istifadəçilər 2GIS sayəsində iri ticarət obyektlərində naviqasiya xidmətindən istifadə edə biləcək. Hətta yeni funksiya ilə əlavə edilən bu xidmət ticarət obyektlərinin daxilində olan bütün lift və eskalatorlardan da istifadə imkanı təklif edir.
Beləliklə 2GIS tətbiqində ekranın sol tərəfindəki düymələrdən istifadə edərək mərtəbələr arasında keçid etmək mümkündür. Bununla belə, tərtibatçıların qeyd etdiyi kimi, binadakı bütün obyektlər hələ alqoritmlərlə çəkilməyib, ona görə də alış-veriş mərkəzlərində marşrutlar düz xətt üzrə yaradılıb. Yaxın günlərdə isə bu funksiya təkmilləşdiriləcək. Hətta gələcəkdə bütün ticarət obyektləri üçün yeni alqoritmlər yaradılacaq.
