Çoxdandır gözlənilən Hamısını seçin funksiyası nəhayət Google tərəfindən Gmail tətbiqinə əlavə edilir. Artıq istifadəçilər e-poçtlarını daha asan silə biləcək. Bildiyimiz kimi, Gmail mobil tətbiqini masaüstü versiyasından demək olar ki, fərqlənmir. Bu tətbiqdə orijinal versiyada olduğu kimi gələnlər qutusu, spam, səssizləşdirmə və etiketləmə kimi bir çox funksiya əlçatandır. Lakin bütün bunlara baxmayaraq hamısını seçin funksiyası tətbiqdə istifadəyə verilməmişdi. Bu isə bəzən istifadəçilər üçün bir neçə problemə yol açırdı.
Google tərəfindən əlavə edilən Hamısını seçin funksiyası ilə artıq Gmail tətbiqindəki e-poçtlar daha asan silinəcək. Həmçinin e-poçtların arxivə salınması da artıq əl ilə deyil avtomatik olaraq yerinə yetiriləcək. Bu yenilik çox sadə görünsə də, gmail tətbiqindən istifadə edənlər üçün olduqca xoş xəbərdir. Artıq Gmail tətbiqinin ən sonuncu versiyasında yeni funksiya ortaya çıxıb. Hamısını seçin düyməsinə klik edərkən funksiya avtomatik olaraq ilk 50 e-poçtu işarələyir. Əgər siz digər e-poçtlarınızı da silmək istəyirsinizsə düyməni bir neçə dəfə klikləməli olacaqsınız. Bunu səbəbi isə Gmail serverlərindən alınan e-poçt sayının hər sorğu üçün 50 ilə məhdudlaşdırılmasıdır.
Bundan əlavə qeyd edək ki, Google məşhur elektron poçt xidməti üçün emoji reaksiya sistemi hazırlayır. Hazırda bu sistem həm Android, həm də iOS üçün inkişaf mərhələsindədir. Bu sistem ilə birlikdə maillərə bir çox mesajlaşma tətbiqində olduğu kimi sadəcə emoji ilə cavab vermək mümkün olacaq. Əslində bu xüsusiyyət uzunmüddətdir ki, Gmail rəqibi Outlook-da tətbiq edilir. Həmçinin bu funksiyanın olduqca uğurlu olduğunu da qeyd edə bilərik.
