Beləliklə, Elon Musk xAI süni intellekt təşəbbüsü üçün baş icraçı direktoru olduğu Tesla şikrətindən 5 milyard dollar sərmayə istəyir. Qeyd edək ki, ötən günlərdə Elon X hesabından bildirmişdi ki, “Qiymətləndirmənin bir neçə etibarlı kənar investor tərəfindən təyin olunduğunu fərz etsək, Tesla xAI-a 5 milyard dollar sərmayə qoymalıdır? (İdarə Heyətinin təsdiqi və səhmdarların səsi tələb olunur)”. Bu yazıya “bəli” və “yox” variantları olan bir anket əlavə edən Musk, Tesla şirkətinin idarə heyətini ciddi bir investisiya üçün razı salmaq və ya onları bu qərara hazırlamaq istəyir.
Uzun illər Tesla çətiri altında avtonom sürücülük sistemləri və süni intellekt sistemləri inkişaf etdirən Musk, xAI və məhsuldar süni intellektə əsaslanan söhbət botu Grok üçün istədiyi investisiyanı tapa bilmir. Qeyd edək ki, xAI əvvəllər aparat yönümlü süni intellekt investisiyası ilə gündəmə gəlmişdi. Hətta, xAI Nvidia, X və digər bir neçə şirkətlərin dəstəyi ilə Elon Musk-ın “dünyanın ən güclü süni intellekt təlim sistemi” qurulmuşdu. Bunun üçün isə Nvidia şirkəti 100 min maye soyutmaya sahib H100 sürətləndiricisi təchiz etmişdi.
Elon tərəfindən “dünyanın ən güclü süni intellekt təlim sistemi” adlandırılan bu mərkəz, Grok-un ısa müddətdə çox daha təkmil və intellektli olmasına imkan verəcək. Eyni zamanda Musk-ın “İnfrastruktur bu ilin dekabr ayına qədər hər miqyasda dünyanın ən güclü süni intellektini yetişdirmək üçün əhəmiyyətli bir üstünlük təmin edəcək” dediyi bu mərkəz, şirkət üçün ciddi xərcə səbəb olmuşdu. LLM mərkəzində böyük dil modellərinin, yəni məhsuldar süni intellektin təlimi gücləndirilib. Ümumiyyətlə, son dövrlərd Elon xAI və Grok mövzusuna olduqca ciddi yanaşır və investorlar axtarır. Belə ki, məşhur milyarder süni intellekt təşəbbüsünü rəqabətə davamlı hala gətirmək niyyətindədir.
