Tesla şirkətinin CEO-su Elon Musk bu dəfə Tesla marketoloqlarını “çox ənənəvi” reklamlara görə işdən çıxarır. Bloomberg-in məsələ ilə tanış olan insanlara əsaslanaraq verdiyi məlumata görə, Teslanın ABŞ-dakı 40 nəfərlik marketinq komandasının hamısı işdən çıxarılıb. Komandaya rəhbərlik edən baş menecer Alex Ingram da işdən çıxarılıb. Ümumiyyətlə Elon Tesla şirkətində son dövrlərdən bir çox işdən çıxarmalar həyata keçirib. Bu dəfə isə reklamları bəyənmədiyi üçün böyük bir komandanı işdən azad edib.
Qeyd edək ki, ortaya çıxan iddalara Elon Musk özün X platformasında cavab verib. O bildirib ki, ” Bu həqiqətən də doğrudur. Tesla-nın reklamaları olduqca sadə və bəsitdir. Reklamlardan hətta siz onu tamamilə fərqli avtomobil kimi təsvir edə bilərsiniz”. Ümumiyyətlə, Tesla marketoloqlarını işdən çıxaran Elon Musk demək olar ki, illərdir reklama pul xərcləmir və məhsulları haqqında məlumatı yaymaq üçün əsasən avtomobil sahiblərinin ağızdan-ağıza sözlərinə güvənir. Ötən may ayında isə Musk, ilkin strategiyasını dəyişdirəcəyini və “avtomobilləri ilə bəzi reklamlar etməyə” çalışacağını açıqlamışdı. Mask ötən ilin sonunda Tesla-nın effektivliyini ölçmək üçün kiçik bir reklam sınağı keçirəcəyini bildirmişdi.
Elektrikli avtomobil satışlarının qlobal artımı yavaşladıqca və rəqiblər bazara daxil olduqca, investorlar Musk-ı marketinqə daha çox diqqət yetirməyə çağırırlar. Bu il fevralın 6-da bəzi onlayn istifadəçilər X platformasında görünən Tesla reklamlarını kəşf etməyə başladılar. Dünən isə bildirildi ki, Elon Musk Tesla-nın işçilərinin 20 faizini ixtisar etmək istəyir, çünki rüblük avtomobil tədarükləri 20 faiz azalıb. Musk hesab edir ki, işdən çıxarılma nisbəti son rübdə satışların azalmasına uyğun olmalıdır.
