Apple-ın süni intellekt həlləri inkişaf etdirdiyi və geridə qaldığı bu sahədə irəliləməkdə olduğu məlumdur. Belə ki, ortaya çıxan yeni məlumata görə Apple süni intellekt sahəsində ixtisaslaşmış “Datakalab” startapının 100% hissələrini satın alaraq özünə inteqrasiya edib. Qeyd edək ki, Paris mərkəzli “Datakalab” startapı 2017-ci ildə Xavier və Lucas Fischer tərəfindən təsis edilmişdir. İlk olaraq üz analizi üzərində işləyən startap “Covid-19” dövründə maska taxılıb-taxılmadığını və insanların emosiyalarını ölçmək üçün işlədilib. Görünən odur ki, Apple iOS 18-də təklif etməyi planlaşdırdığı məhsuldar süni intellekt xüsusiyyətləri üzərində işini davam etdirir.
Apple süni intellektə investisiyalarını sürətini azaltmadan davam etdirir. Challenges jurnalının verdiyi məlumata görə, Datakalab 17 dekabr 2023-cü ildə gizli şəkildə Apple-a şirkətinə inteqrasiya edilib. Hələlik satın alma əməliyyatının maliyyə təfərrüatları açıqlanmayıb, lakin ekspertlər bunu çox vacib addım olaraq dəyərləndirirlər. Əslində bu startapı almaqda Apple şirkətinin əsas marağı alqoritmik sıxışdırma texnologiyasıdır. Datakalab 2022-ci ildə strategiya dəyişikliyi etdikdən sonra startap alqoritmik sıxışdırma texnologiyasına daha çox diqqət yetirməyə başladı. Şirkət yeni metod hazırlamaqla hesablamaların mürəkkəbliyini azaltmağa və cihazlarda süni intellekt əməliyyatlarının daha sürətli baş verməsini təmin etməyə nail olub.
Bu inkişaf iOS 18-də xüsusi dil modelini işlətməyi planlaşdıran Apple üçün çox vacibdir. Çünki şirkət süni intellektin internetə və uzaq serverlərə ehtiyac duymadan cihazda işləməsini istəyir. Datakalab texnologiyası sayəsində Apple bu məqsədə daha asan nail olacaq və istifadəçilərə daha sürətli və rəqabətcil süni intellekt təcrübəsi təqdim edəcək.
