Texnologiya sahəsinin ən möhtəşəm yeniliklərindən biri olan robotlar yaxın gələcəkdə həryerdə ola bilər. Belə ki, artıq Fourier-Intelligence şirkətinin GR-1 robotu dünyanın ilk kütləvi istehsal ediləcək robotu oldu. Hətta bununla bağlı şirkət video da paylaşıb. Rəsmi təqdimat videosundan görünür ki, robotlar artıq son mərhələyə çatıblar. Məhz bu robotların ilk insanabənzər kütləvi istehsal edilən robot adını daşıması insanların marağını cəlb edib. Çünki, bir çox fantastik filmlərdə hərşey məhz bu robotların kütləvi istehsalından sonra başlayırdı.
Təbii kİ, insanların bir çoxu hazırda robotların gələcəyindən narahatdır. Lakin bəzi insanlar da bu robotların insanlıq üçün daha yaxşı imkanlar təklif edtdiyini düşünür. Məhz Fourier-Intelligence şirkəti də yeni GR-1 robotunu kütləvi istehsal edərək bu fikri dəstəkləyir. Onu da qeyd edək ki, bu robotlar öz çəkiləri qədər yəni 50 kq yük qaldıra bilir. O cümlədən şirkət bu robotların ilin sonuna qədər sayının 100-ə çatmasını hədəfləyir. Boyu 165 sm olan robot sadəcə 5 km/saat sürətlə hərəkət edə bilir.
Ümumiyyətlə robot hazırlamaq göründüyündən daha çətindir. Xüsusilə bu robot insanabənzərdisə işlər daha da qəlizləşir. Çünki robotların insan kimi yeriməsini təmin edə bilmək üçün bir çox xüsusiyyət tələb olunur. Bundan əlavə bu robotlar müəyyən yük qaldırma qabiliyyətinə malik olur. Məhz bütün bunlar robotların istehsalını qəlizləşdirir. Maraqlısı budur ki, bu cür çətin prosesə rəğmən insanabənzər GR-1 robotu kütləvi olaraq istehsal edilir.
