Daha əvvəl Nothing brendinin CMF alt markası barədə məlumat vermişdik. Hətta brendin yeni saatı barədə bir çox məlumat ortaya çıxmışdı. Nəhayət Nothing şirkətinin çətiri altında olan CMF yeni modellərini təqdim edib. Belə ki, yeni modellər müvafiq olaraq CMF Buds Pro, CMF Watch Pro və CMF Power olaraq adlandırılıb. Adından göründüyü kimi, bu məhsullardan biri ağıllı saat, biri qulaqlıq digər isə təəccüblü şəkildə şarj başlığıdır. Daha əvvək CMF Watch Pro modelinin görüntüsü bizlərə məlum idi. İndi isə onun texniki tərəfinə də nəzər salaq.
Beləliklə, Nothing şirkətinin çətiri altından olan CMF markası yeni modellərini ictimaiyyətə açıqlayıb. Onlarda biri də bizə yaxından məlum olan CMF Watch Pro modelidir. Özünəməxsus dizayna sahib olan bu saat 1,96 düymlük AMOLED ekrana sahib olub. O cümlədən bu ekranın parlaqlığı tam 600 nitə bərabərdir, yenilənmə tezliyi isə 58Hz-dir. Bundan əlavə ağıllı saatın daxilində GPS quraşdırılmışdır və 13 gün istifadə imkanı təklif edir. Bu gün bir çox ağıllı saatda olan qandakı oksigen miqdarının ölçülməsi və yuxu izləməmə kimi funksiyalar bu cihaza da əlavə edilib. Qiymət tərəfində isə cihaz sadəcə 59$ qiymət etiketinə sahib olub.
CMF markasının ilk məhsullarından biri də CMF Buds Pro modelidir. Qeyd edək ki, bu qulaqlıq 500 Hz diapzon aralığında 45 dB-ə qədər səs-küyü azalda bilən ANC funksiyasına sahibdir. LCP + PU kompozit diafraqması olan qulaqlıq ANC söndürüldükdə 11 saata qədər istifadə edilə bilər. Digər məhsul isə CMF Power şarj başlığıdır. Bu şarj adapteri 65W enerji ötürmək qabiliyyətinə malikdir və 2 USB Type-C, 1 ədəd USB Type-A çıxışa malikdir. Qiymətlər isə müvafiq olaraq 49$ və 39$-dır. CMF by Nothing brendinin Hindistandan başqa hansı ölkələrə gedəcəyi isə hələlik məlum deyil.
