Smartfon bazarında vəziyyət getdikcə qəlizləşir. Belə ki, bu ilin ikinci yarısında Çinli smartfon istehsalçıları smartfon satışı üzrə əfsanəvi Apple və Samsung brendlərindən daha yaxşı nəticə göstəriblər. Görünən odur ki, elektromobil sahəsində olduğu kimi smartfon sahəsində də çinli brendlərin ucuz modelləri bazarda önə keçir. Hətta bu ilin ikinci yarısında smartfon bazarının 2 nəhəngi Apple və Samsung ötən rübə nəzərən daha az smartfon sata bilib. Çinli smartfon istehsalçılarında isə vəziyyət biraz daha yaxşıdır.
Ümumiyyətlə pandemiyadan sonra başlayan qlobal iqtisadi böhran bir çox sektora dərin təsir edib. Bəzi sahələrdə böhranın ziyanları yavaş-yavaş aradan qaldırılsa da smartfon sahəsində bu mümkün olmayıb. Smartfon bazarı gün keçdikcə daha da mənfiyə düşür. Belə ki, bu ilin ikinci rübündə ümumilikdə 272 milyon smarttfon satılsa da 6.6% azalma müşahidə olunub. Birinci rübdə bu göstərici 522 milyona çatmışdı. Qeyd edək ki, ikinci rübdə Apple 42 milyon, Samsung isə 53.9 milyon smartfon satıb. Lakin bu göstəricilər Samsung üçün ötən rüblə müqayisədə 12.4%, Apple üçün 21.2% azdır. Digər tərəfdən isə Xiaomi bu rübdə 35 milyon smartfon satıb və ötən rübə nəzərən 32.1% inkişaf əldə edib.
Onu da qeyd edək ki, Oppo 33.6 milyon göstərici ilə ötən rübə nəzərən 25.4% daha yaxşı nəticə əldə edib. Nəhayət bu rübdə ən karlı nəticə göstərən şirkət Tecno və Infinix kimi brendlərin bir arada birləşdiyi Transsion oldu. Bu rübdə 25.1 milyon smartfon satan şirkət ötən rübə nəzərən nə az nə çox 71.9% daha yaxşı nəticə əldə edib. Yekun olaraq çinli brendlər smartfon satışı tərəfində digər amerikalı rəqiblərini qabaqlayıblar.
